ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ພຶດສະພານີ້, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມສະພາມົນຕີລັດຖະມົນຕີກະຊວງການຕ່າງປະເທດຂອງສະມາຊິກອົງການການຮ່ວມມືຊຽງໄຮຢູ່ນະຄອນຫຼວງບີສະເກັກປະເທດກຽກກີສະຖານ.
ທ່ານຫວາງຢີ້ໄດ້ໃຫ້ສະເໜີດ້ານການລົງເລິກການຮ່ວມມືຂອງອົງການການຮ່ວມມືຊຽງໄຮໃນໄລຍະຕໍ່ໜ້າ, ຄື:
ໜຶ່ງ, ຕ້ອງເພີ່ມທະວີຄວາມສາມັກຄີ ແລະໄວ້ເນື້ອເຊື່ອໃຈກັນ, ເພີ່ມທະວີການສະໜັບສະໜູນເຊິ່ງກັນ ແລະກັນ. ສອງ, ຕ້ອງລົງເລິກການຮ່ວມມືດ້ານຄວາມໝັ້ນຄົງ, ສ້າງມ່ານປ້ອງກັນ. ສາມ, ຕ້ອງເປີດກວ້າງການຮ່ວມມືຕົວຈິງ, ປັບປຸງຈຸດອ່ອນດ້ານການພັດທະນາ. ສີ່, ຕ້ອງເພີ່ມທະວີການແລກປ່ຽນ ແລະຖອດຖອນບົດຮຽນເຊິ່ງກັນ ແລະກັນ, ຊຸກຍູ້ການເຊື່ອມປະສານຈິດໃຈຂອງປະຊາຊົນ. ຫ້າ, ຕ້ອງສະແດງຄວາມຮັບຜິດຊອບຕໍ່ສາກົນ, ຍົກສູງບົດບາດອິດທິພົນຂອງອົງການການຮ່ວມມືຊຽງໄຮ.
ທ່ານກ່າວຕື່ມວ່າ: ກອງປະຊຸມສຸດຍອດຢູ່ນະຄອນຫຼວງບີສະເກັກຈະຈັດຂຶ້ນໃນມໍ່ໆນີ້, ພວກເຮົາຄວນຖືເອົາໂອກາດຈັດກອງປະຊຸມລັດຖະມົນຕີກະຊວງການຕ່າງປະເທດຄັ້ງນີ້, ເພື່ອກະກຽມວຽກງານທາງການເມືອງຢ່າງຮອບດ້ານໃຫ້ກອງປະຊຸມສຸດຍອດ ເພື່ອຮັບປະກັນໃຫ້ກອງປະຊຸມສຸດຍອດຄັ້ງນີ້ປິດລົງຢ່າງຈົບງາມ. ຈີນຍິນດີຮ່ວມກັບບັນດາຝ່າຍ, ຊຸກຍູ້ການຮ່ວມມືໃນຂົງເຂດຕ່າງໆຂອງອົງການຮ່ວມມືຊຽງໄຮໃຫ້ມີຄວາມຄືບໜ້າຢ່າງບໍ່ຢຸດຢັ້ງ ແລະສ້າງຜົນປະໂຫຍດໃຫ້ປະຊາຊົນບັນດາປະເທດ.
ຄຳເຫັນ
0