ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ພຶດສະພານີ້, ທຳນຽບປະທານາທິບໍດີຟິລິບປິນຖະແຫຼງວ່າ: ເນື່ອງຈາກການາດາແກ່ຍາວເວລາຊ້ຳແລ້ວຊ້ຳອີກໃນບັນຫາການຂົນສົ່ງຂີ້ເຫຍື້ອເຊິ່ງເປັນການລະເມີດກົດລະບຽບຂອງຟິລິບປິນນັ້ນໃຫ້ການາດາເອົາກັບຄືນປະເທດ, ຟິລິບປິນໄດ້ຕັດສິນໃຈຈະເຊົ່າເຮືອດ້ວຍຕົນເອງເພື່ອສົ່ງຂີ້ເຫຍື້ອທີ່ຕົກຄ້າງຢູ່ຟິລິບປິນເກືອບ 6 ປີແລ້ວນັ້ນສົ່ງກັບຄືນການາດາ.
ໂຄສົກທຳນຽບປະທານາທິບໍດີຟິລິບປິນອອກຖະແຫຼງການໃນມື້ດຽວກັນວ່າ: ທ່ານ ໂຣດຣີໂກ ດູເຕີເຕ ປະທານາທິບໍດີຟິລິບປິນບໍ່ພໍໃຈທີ່ສຸດທີ່ການາດາມີທ່າທີແລະວິທີແກ້ໄຂທີ່ແກ່ຍາວເວລາເທື່ອນີ້ເທື່ອນັ້ນໃນບັນຫາການຂົນສົ່ງຂີ້ເຫຍື້ອທີ່ລະເມີດກົດລະບຽບຂອງຟິລິບປິນໃຫ້ກັບຄືນປະເທດ. ການກະທຳຂອງການາດາທີ່ຖືຟິລິບປິນເປັນ “ບ່ອນຖິ້ມຂີ້ເຫຍື້ອ” ນັ້ນ ເປັນການຢຽບຫຍ່ຳສັກສີຂອງປະຊາຊົນຟິລິບປິນຢ່າງຮ້າຍແຮງ.
ຖະແຫຼງການຍັງລະບຸວ່າ: ດ້ວຍເຫດນີ້, ທ່ານ ດູເຕີເຕ ໄດ້ອອກຄຳສັ່ງໃຫ້ພາກສ່ວນທີ່ກ່ຽວຂ້ອງຂອງລັດຖະບານໄປເຊົ່າເຮືອຂອງບໍລິສັດເອກະຊົນເພື່ອຂົນສົ່ງຂີ້ເຫຍື້ອເຫຼົ່ານັ້ນກັບຄືນການາດາ ແລະລັດຖະບານຟິລິບປິນຈະຮັບຜິດຊອບຄ່າຂົນສົ່ງທັງໝົດ. ຖ້າຫາກວ່າການາດາບໍ່ຮັບເອົາຂີ້ເຫຍື້ອຄືນປະເທດຕົນ, ຟິລິບປິນກໍຈະຖອກເທຂີ້ເຫຍື້ອລົງເຂດທະເລໃກ້ກັບການາດາ.
ຄຳເຫັນ
0