ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ພຶດສະພານີ້, ຢູ່ນະຄອນຊິ່ງຕາວ, ຈີນໄດ້ປະສົບຜົນສຳເລັດໃນການຜະລິດລົດໄຟພະລັງແຮງແມ່ເຫຼັກຕົ້ນແບບທີ່ມີຄວາມໄວ 600 ກິໂລແມັດຕໍ່ຊົ່ວໂມງ. ນີ້ເປັນຂີດໝາຍສະແດງໃຫ້ເຫັນເຖິງການບຸກທະລຸອັນຍິ່ງໃຫຍ່ຂອງຈີນໃນຂົງເຂດເຕັກນິກພະລັງແຮງແມ່ເຫຼັກຄວາມໄວສູງ, ເຊິ່ງສາມາດແກ້ໄຂຊ່ອງວ່າງດ້ານຄວາມໄວໃນການເດີນທາງລະຫວ່າງການບິນກັບລົດໄຟຄວາມໄວສູງ ແລະມີຄວາມໝາຍທີ່ສຳຄັນໃນດ້ານເຕັກນິກແລະເສດຖະກິດໃນການປັບປຸງເຄືອຂ່າຍການສັນຈອນຂອງຜູ່ໂດຍສານດ້ວຍຄວາມໄວສູງແບບ 3 ມິຕິຂອງຈີນໃຫ້ສົມບູນຂຶ້ນ.
ທ່ານ ຕິ່ງຊ່ານຊ່ານ ຫົວໜ້າຜູ້ຮັບຜິດຊອບພັດທະນາແລະຄົ້ນຄວ້າພະລັງແມ່ເຫຼັກຄວາມໄວສູງ, ຮອງວິສະວະກອນຂອງບໍລິສັດຫຸ້ນສ່ວນຊື້ຟ່າງຊິ່ງຕາວ CRRC ຈຳກັດ ໃຫ້ຮູ້ວ່າ: ໂຄງການສະເພາະກິດສຳຄັນຂອງແຜນການຄົ້ນຄວ້າພັດທະນາທີ່ເປັນຈຸດສຸມຂອງຊາດດ້ານ “ຄົມມະນາຄົມຕາມລາງທີ່ກ້າວໜ້າ” ໄດ້ເລີ່ມຂຶ້ນໃນເດືອນກໍລະກົດປີ 2016, ຜ່ານການແກ້ໄຂຂອດຫຍຸ້ງຍາກດ້ານເຕັກນິກເປັນເວລາເກືອບ 3 ປີ, ທີມງານາຍດັ່ງກ່າວ ໄດ້ປະສົບຜົນສຳເລັດໃນບາດກ້າວທີ່ສຳຄັນໃນການຄົ້ນຄວ້າພັດທະນາເຕັກນິກຕົ້ນຕໍໃນດ້ານພະລັງແຮງແມ່ເຫຼັກຄວາມໄວສູງ ແລະໄດ້ຈົດຊັບສິນທາງປັນຍາພາຍໃນຈີນແລ້ວ.
ຄຳເຫັນ
0