ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ພຶດສະພານີ້, ໄດ້ເກີດເຫດໄຟໄໝ້ຫຼາຍກວ່າ 20 ແຫ່ງຢູ່ອິດສະຣາແອນ, ເຮັດໃຫ້ປະຊາຊົນຫຼາຍພັນຄົນໜີອອກຈາກບ້ານເຮືອນ ເຊິ່ງລັດຖະບານອິດສະຣາແອນໄດ້ຮ້ອງຂໍຄວາມຊ່ວຍເຫຼືອຈາກສາກົນຢ່າງຮີບດ່ວນ.
ວັນທີ 23 ພຶດສະພານີ້, ຢູ່ພາກກາງ ແລະພາກໃຕ້ຂອງອິດສະຣາແອນໄດ້ເກີດເຫດໄຟໄໝ້ຫຼາຍກວ່າ 20 ແຫ່ງ, ເຮັດໃຫ້ເສັ້ນທາງຫຼາຍສາຍຖືກຢຸດສະງັກ, ລົດໄຟຢຸດຕິການໃຫ້ບໍລິການ ແລະມີປະຊາກອນປະມານ 3500 ຄົນຖືກຍົກຍ້າຍ. ໃນນັ້ນ, ມີ 2 ບ້ານຢູ່ພາກກາງໄດ້ເກີດເຫດໄຟໄໝ້ຮຸນແຮງ ເຊິ່ງເຮັດໃຫ້ເຮືອນ 16 ຫຼັງຖືກທຳລາຍ. ກອງດັບເພີງອິດສະຣາແອນເປີດເຜີຍວ່າ: ເມື່ອບໍ່ດົນນີ້ ໃນປະເທດອິດສະຣາແອນມີອຸນຫະພູມສູງຢ່າງລຽນຕິດ, ວັນທີ 23 ພຶດສະພານີ້, ບາງເຂດມີອຸນຫະພູມສູງເຖິງ 48 ອົງສາ ເຊິ່ງອາດເປັນສາເຫດເຮັດໃຫ້ໄຟໄໝ້.
ສື່ມວນຊົນອິດສະຣາແອນໄດ້ລາຍງານວ່າ: ກອງດັບເພີງໄດ້ສົ່ງເຮືອບິນ 10 ກວ່າລຳໄປດັບໄຟໃນມື້ດຽວກັນ. ໜ່ວຍຮັບມືສຸກເສີນກະຊວງການຕ່າງປະເທດອິດສະຣາແອນໄດ້ຮ້ອງຂໍເຮືອບິນດັບເພີງນຳໄຊປຼັດ, ເກຼັກ, ອີຕາລີ ແລະປະເທດອື່ນໆໃຫ້ເຂົ້າມາຊ່ວຍດັບໄຟ.
ຄຳເຫັນ
0