ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 23 ພຶດສະພານີ້ຢູ່ນະຄອນຫຼວງປັກກິ່ງ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບທ່ານເຮັງສະວີເກັດ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການເງິນສິງກະໂປ.
ທ່ານຫຼີເຄີ້ສຽງກ່າວວ່າ: ປັດຈຸບັນ, ສາຍພົວພັນຈີນ-ສິງກະໂປມີທ່ວງທ່າຂະຫຍາຍຕົວເປັນຢ່າງດີ. ຈີນຍິນດີຮ່ວມກັບສິງກະໂປສືບຕໍ່ຮັດແໜ້ນການໄປມາຫາສູ່ກັນລະຫວ່າງການນຳຂັ້ນສູງ, ເຮັດໃຫ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”ເຊື່ອມຕໍ່ກັບຍຸດທະສາດການພັດທະນາຂອງສິງກະໂປໃຫ້ດີກວ່າເກົ່າ,ຈີນຍິນດີຕ້ອນຮັບວິສາຫະກິດຂອງປະເທດຕ່າງໆເຊິ່ງລວມທັງສິງກະໂປເປີດກວ້າງການລົງທຶນຢູ່ຈີນເພື່ອບັນລຸໃຫ້ຕ່າງຝ່າຍຕ່າງໄດ້ຮັບຜົນປະໂຫຍດນຳກັນ. ຈີນຍິນດີຮ່ວມກັບສິງກະໂປປົກປັກຮັກສາການຄ້າເສລີບົນພື້ນຖານກະຕິກາ, ສົ່ງເສີມສັນຕິພາບແລະການພັດທະນາຂອງພາກພື້ນຕົນກໍຄືຂອງໂລກ.
ທ່ານເຮັງສະວີເກັດສະແດງຄວາມຊົມເຊີຍຈີນທີ່ໄດ້ສະຖາປະນາປະເທດຄົບຮອບ 70 ປີ, ທ່ານກ່າວວ່າ, ປີໜ້າຈະເປັນປີຄົບຮອບ 30 ປີແຫ່ງການສ້າງຕັ້ງສາຍພົວພັນທາງການທູດ ສິງກະໂປ-ຈີນ, ການພົວພັນສອງຝ່າຍຈະຢືນຢູ່ໃນຈຸດເລີ່ມຕົ້ນໃໝ່ທີ່ມີລະດັບສູງກວ່າເກົ່າ. ສິງກະໂປຍິນດີຮ່ວມກັບຈີນເພີ່ມທະວີການໄປມາຫາສູ່ກັນລະຫວ່າງການນຳຂັ້ນສູງ, ລົງເລິກການຮ່ວມມືທີ່ຕິດແທດຕົວຈິງໃນຂົງເຂດຕ່າງໆ, ຊຸກຍູ້ສາຍພົວພັນສິງກະໂປ-ຈີນໃຫ້ກ້າວຂຶ້ນສູ່ລະດັບໃໝ່. ສິງກະໂປຍິນດີເສີມຂະຫຍາຍບົດບາດຢ່າງຕັ້ງໜ້າເຂົ້າໃນການຊຸກຍູ້ສາຍພົວພັນອາຊຽນກັບຈີນ.
ຕອນເຊົ້າວັນທີ 23 ພຶດສະພານີ້ຢູ່ນະຄອນຫຼວງປັກກິ່ງ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບທ່ານເຮັງສະວີເກັດ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການເງິນສິງກະໂປ.
ຄຳເຫັນ
0