ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ພຶດສະພານີ້, ອາລີບາບາຄລາວ ເຊິ່ງເປັນບໍລິສັດ Cloud Computing ແລະວິທະຍາສາເຕັກໂນໂລຊີປັນຍາປະດິດທີ່ຂຶ້ນກັບກຸ່ມບໍລິສັດ ອາລີບາບາ ໄດ້ປະກາດວ່າ: ຈະຮ່ວມມືກັບ “ລະບົບຄົມມະນາຄົມເຊນາ” ເຊິ່ງເປັນບໍລິສັດຄົມມະນາຄົມອັດສະລິຍະຂອງມາເລເຊຍ ເພື່ອສ້າງລະບົບຄວບຄຸມຄົມມະນາຄົມອັດສະລິຍະຮ່ວມກັນຢູ່ມາເລເຊຍ.
ຂ່າວແຈ້ງວ່າ, ໃນການຮ່ວມມືລະຫວ່າງສອງຝ່າຍ, ອາລີບາບາຄລາວ ຈະສະໜອງເຕັກນິກຕົ້ນຕໍແລະຊັບພະຍາກອນດ້ານ Cloud Computing ຂອງລະບົບສະໝອງຕົວເມືອງ, ບໍລິສັດເຊນາ ຈະສະໜັບສະໜູນການອອກແບບແລະການຄົ້ນຄວ້າພັດທະນາລະບົບໄຟສັນຍານຄົມມະນາຄົມອັດສະລິຍະ. ສ່ວນລະບົບສະໝອງຕົວເມືອງ ແມ່ນລະບົບການຄວບຄຸມຕົວເມືອງທີ່ນຳໃຊ້ເຕັກນິກຂໍ້ມູນໃຫຍ່, Cloud Computing, ປັນຍາປະດິດ ແລະອື່ນໆ.
ຂ່າວແຈ້ງວ່າ: ໃນຕົ້ນປີ 2018, ນະຄອນຫຼວງກົວລາລຳເປີປະເທດມາເລເຊຍ ກໍໄດ້ນຳເຂົ້າລະບົບສະໝອງຕົວເມືອງຂອງອາລີບາບາແລະຜົນການປະເມີນການກວດກາສະແດງໃຫ້ເຫັນວ່າ, ລະບົບດັ່ງກ່າວເຮັດໃຫ້ປະສິດທິພາບໃນການສັນຈອນຂອງທ້ອງຖິ່ນດັ່ງກ່າວໄດ້ຮັບການຍົກສູງຂຶ້ນ 12%.
ຄຳເຫັນ
0