ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ພຶດສະພານີ້, ສະຫະພັນການຄ້າຈີນຢູ່ອິນໂດເນເຊຍໄດ້ຮ່ວມກັນກັບອົງການ ສາສະໜາແລະວັດທະນະທຳອິນໂດເນເຊຍ ສະຫຼອງການເລີກການຖືສິນອົດແລະອວຍພອນບຸນເຊິ່ງກັນແລະກັນກັບ ເດັກນ້ອຍ 500 ຄົນ ຈາກໂຮງລ້ຽງເດັກກຳພ້າກຳພອຍ ຢູ່ ສຸເຫຼົ່າມຸສລິມອັດຕິນ ທີ່ນະຄອນຫຼວງຈາກາຕາ. ທ່ານກົ່ງເປິ່ນສາຍ ປະທານສະຫະພັນການຄ້າຈີນຢູ່ອິນໂດເນເຊຍໄດ້ມອບຂອງຂວັນທີ່ດີງາມ 1000 ກ່ອງໃຫ້ເດັກນ້ອຍທັງຫຼາຍ,ເຊິ່ງເຮັດໃຫ້ເດັກນ້ອຍທີ່ໄດ້ຮັບຂອງຂວັນຕ່າງກໍດີໃຈຫຼາຍ ແລະເຕັມໄປດ້ວຍບັນຍາກາດຄວາມເບີກບານມ່ວນຊື່ນ.
ທ່ານກົ່ງເປີນສາຍໄດ້ຕາງໜ້າໃຫ້ພະນັກງານທຸກຖ້ວນໜ້າຂອງວິສາຫະກິດຈີນຢູ່ອິນໂດເນເຊຍຂໍອວຍພອນໃຫ້ເພື່ອນມິດມຸສລິມເຊິ່ງລວມທັງເດັກນ້ອຍຈົ່ງມີສຸຂະພາບແຂງແຮງ,ປອດໄພ,ສະດວກສະບາຍໃນບຸນຣາມາດັນຫຼືເດືອນຖືສິນອົດ. ທ່ານກ່າວວ່າ, ໃນຖານະເປັນວິສາຫະກິດຈີນທີ່ໄດ້ເຊື່ອມສານເຂົ້າໃນສັງຄົມອິນໂດເນເຊຍ ທ່ານຫວັງວ່າ ຜ່ານການນຳໃຊ້ຜະລິດຕະພັນແລະເຕັກນິກຂອງວິສາຫະກິດຈີນຈະເປັນການ ສ້າງເງື່ອນໄຂແລະສ້າງສະພາບແວດລ້ອມໃນການດຳລົງຊີວິດໃຫ້ປະຊາຊົນອິນໂດເນເຊຍໃຫ້ດີກວ່າເກົ່າ ທັງຈະເປັນການສ້າງຜົນປະໂຫຍດຕອບແທນສັງຄົມອິນໂດເນເຊຍໄດ້ດີກວ່າເກົ່າ.
ຄຳເຫັນ
0