ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ພຶດສະພານີ້, ທ່ານ ສີຈິ້ນຜິງ ປະທານປະເທດຈີນໄດ້ສົ່ງສານເຖິງທ່ານ ນາເຣັນດຣາ ໂມດີ ນາຍົກລັດຖະມົນຕີອິນເດຍເພື່ອສະແດງຄວາມຊົມເຊີຍຕໍ່ທ່ານກໍຄືພັກພັນທະມິດປະຊາທິປະໄຕທົ່ວປະເທດທີ່ນຳໂດຍທ່ານໄດ້ຮັບໄຊຊະນະໃນການເລືອກຕັ້ງສະພາປະຊາຊົນ(ສະພາຕ່ຳ)ຄັ້ງທີ 17 ຂອງອິນເດຍ.
ໃນສານຂອງທ່ານ ສີຈິ້ນຜິງ ຂຽນວ່າ: ຈີນແລະອິນເດຍເປັນປະເທດບ້ານໃກ້ເຮືອນຄຽງທີ່ສຳຄັນຕໍ່ກັນ,ລ້ວນແຕ່ເປັນກຸ່ມເສດຖະກິດຈະເລີນໃໝ່ແລະເປັນປະເທດທີ່ພວມພັດທະນາທີ່ໃຫຍ່ທີ່ສຸດໃນໂລກປັດຈຸບັນ. ພາຍໃຕ້ຄວາມພະຍາຍາມຂອງສອງຝ່າຍ, ໃນຊຸມປີຜ່ານມາ, ການພົວພັນລະຫວ່າງສອງປະເທດໄດ້ປະກົດມີທ່ວງທ່າແຫ່ງການພັດທະນາທີ່ແຂງແຮງ. ສອງປະເທດໄດ້ຮັກສາການປະສານງານແລະການຮ່ວມມືທີ່ດີໃນບັນຫາທີ່ສຳຄັນຕ່າງໆເຊັ່ນ: ການຊຸກຍູ້ໂລກໃຫ້ເປັນຫຼາຍຂົ້ວ,ເສດຖະກິດໂລກາພິວັດ,ການປົກປັກຮັກສາລັດທິຫຼາຍຝ່າຍແລະບັນຫາອື່ນໆ.ຂ້າພະເຈົ້າໃຫ້ຄວາມສຳຄັນຢ່າງສູງຕໍ່ການຂະຫຍາຍສາຍພົວພັນລະຫວ່າງສອງປະເທດ, ຍິນດີຮ່ວມກັບທ່ານສຸມຄວາມພະຍາຍາມໃນການກຳນົດທິດທາງແຫ່ງການຂະຫຍາຍສາຍພົວພັນລະຫວ່າງສອງປະເທດໃຫ້ກ້າວໄປໜ້າເປັນຢ່າງດີ,ເພີ່ມທະວີຄວາມໄວ້ເນື້ອເຊື່ອໃຈກັນທາງການເມືອງ,ເປີດກວ້າງການຮ່ວມມືທີ່ແທ້ຈິງ, ຊຸກຍູ້ການພົວພັນຄູ່ຮ່ວມການພັດທະນາລະຫວ່າງສອງປະເທດທີ່ມີຄວາມແໜ້ນແຟ້ນຍິ່ງໆຂຶ້ນນັ້ນໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ຄຳເຫັນ
0