ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ໄປຫາສີຈົ້ງຊຸ່ນສາ.” ນີ້ແມ່ນຄຳຕິດປາກຂອງພະນັກງານແລະປະຊາຊົນທີ່ພາກຕາເວັນຕົກສຽງເໜືອຂອງຈີນໃນເມື່ອກ່ອນ, ຄຳສັ້ນໆ, ແຕ່ກໍສະແດງໃຫ້ເຫັນເຖິງນ້ຳໜັກຂອງທ່ານສີຈົ້ງຊຸ່ນໃນດວງໃຈຂອງປະຊາຊົນ.
ຈາກທ່ານສີຈົ້ງຊຸ່ນຮອດທ່ານສີຈິ້ນຜິງ, ພໍ່ກັບລູກມີຄວາມຮັກແພງທີ່ອົບອຸ່ນ ຈົນກາຍເປັນຕົວຢ່າງທີ່ຍິ່ງໃຫຍ່. ຜູ້ເປັນລູກໄດ້ສືບທອດອຸດົມການແຕ່ຫົວທີທີ່ບໍ່ປ່ຽນແປງຈາກພໍ່ ໂດຍໄດ້ສະແດງອອກໃນກິລິຍາວາຈາທີ່ເລັກໆນ້ອຍໆ.
ທ່ານສີຈົ້ງຊຸ່ນເຄີຍເວົ້າວ່າ: “ປະຊາຊົນກໍຄືປະເທດຊາດ, ປະເທດຊາດກໍຄືປະຊາຊົນ.”
ທ່ານສີຈິ້ນຜິງກ່າວວ່າ: “ອຸດົມການແຕ່ຫົວທີແລະພາລະກຳຂອງຊາວພັກກອມມູນິດຈີນ ແມ່ນສະແຫວງຫາຄວາມຜາສຸກໃຫ້ແກ່ປະຊາຊົນຈີນ, ຟື້ນຟູຄວາມຈະເລີນຮຸ່ງເຮືອງຂອງປະເທດຊາດຈີນຄືນໃໝ່.”
(ພາບ: ທ່ານສີຈົ້ງຊຸ່ນຍາມປັດສິມມະໄວ)
ຊີວະປະຫວັດຂອງທ່ານສີຈົ້ງຊຸ່ນໄດ້ຜ່ານຜ່າອຸປະສັກນາໆປະການ ແລະສ້າງຄຸນງາມຄວາມດີທີ່ຍິ່ງໃຫຍ່, ແຕ່ບໍ່ວ່າໃນສະພາບທີ່ດີຫຼືໃນສະພາບທີ່ລຳບາກ, ທ່ານບໍ່ເຄີຍປ່ຽນແປງຄວາມເຊື່ອຖືຕໍ່ລັດທິມາກ, ບໍ່ເຄີຍປ່ຽນແປງຄວາມຈົງຮັກພັກດີຕໍ່ພັກແລະປະຊາຊົນ ແລະບໍ່ເຄີຍປ່ຽນແປງຄວາມເຊື່ອມໝັ້ນຕໍ່ອົງການພັກ.
(ພາບ: ວັນທີ 31 ຕຸລາປີ 2017, ຢູ່ຫໍລະລຶກສະຖານທີ່ຈັດກອມປະຊຸມຄັ້ງທຳອິດຂອງພັກກອມມູນິດຈີນຊຽງໄຮ, ທ່ານສີຈິ້ນຜິງນຳພາສະຫາຍກຳມະການປະຈຳກົມການເມືອງສູນກາງພັກກອມມູນິດຈີນທ່ານອື່ນໆກ່າວຄຳປະຕິຍານເຂົ້າພັກຄືນໃໝ່)
ທ່ານສີຈົ້ງຊຸ່ນເຄີຍເວົ້າວ່າ: “ຮັບໃຊ້ປະຊາຊົນ ກໍຄືຄວາມກະຕັນຍູຕໍ່ພໍ່ແມ່ທີ່ສຸດ.”
ທ່ານສີຈິ້ນຜິງກ່າວວ່າ: “ບໍ່ເຫັນແກ່ຕົວເອງ ແລະ ບໍ່ເຮັດໃຫ້ປະຊາຊົນຜິດຫວັງ.”
( ພາບ:ເດືອນມິຖຸນາປີ 1960, ທ່ານສີຈົ້ງຊຸ່ນນຳພາພະນັກງານອົງການຈັດຕັ້ງລັດໄປເກັບກ່ຽວເຂົ້າຢູ່ຊານເມືອງປັກກິ່ງ)
ບໍ່ປະລະໂອກາດໃດໆເພື່ອຕິດຕໍ່ພົວພັນກັບປະຊາຊົນ, ນີ້ແມ່ນແບບແຜນວິທີເຮັດວຽກຂອງຜູ້ນຳປະຊາຊົນທີ່ມາຈາກປະຊາຊົນທ່ານນີ້.
(ພາບ: ວັນທີ 15 ເມສາປີ 2019, ທ່ານສີຈິ້ນຜິງລົງສຳຫຼວດວຽກງານຢູ່ນະຄອນຈຸ່ງກິ່ງ. ພາບນີ້ຄືຢູ່ບ້ານຫົວຊີ່ເມືອງປົກຄອງຕົນເອງຊົນເຜົ່າຖູເຈ່ຍສືຈູ້, ທ່ານສີຈິ້ນຜິງໄດ້ຍ່າງໄປຢ້ຽມຢາມຄອບຄົວຊາວບ້ານ ເພື່ອຮັບຮູ້ຄວາມຄືບໜ້າຂອງວຽກງານຫຼຸດຜ່ອນຄວາມທຸກຍາກແລະແກ້ໄຂບັນຫາ “ສອງບໍ່ຫ່ວງສາມຮັບປະກັນ” ຂອງປະຊາຊົນທ້ອງຖິ່ນ)
ທ່ານສີຈິ້ນຜີງບໍ່ໄດ້ເຮັດໃຫ້ພໍ່ຂອງຕົນຜິດຫວັງ.
ຈາກນ້ຳໃຈແຫ່ງ “ຄວາມປາດຖະໜາຕໍ່ຊີວິດອັນດີງາມຂອງປະຊາຊົນກໍຄືເປົ້າໝາຍສູ້ຊົນຂອງພວກເຮົາ” ຮອດຄຳໝັ້ນສັນຍາທີ່ “ຮັບໃຊ້ປະຊາຊົນ, ແບກຫາບຄວາມຮັບຜິດຊອບຂອງຕົນ”, ແລະຕະຫຼອດຮອດຄຳໝັ້ນສັນຍາແຕ່ຫົວທີທີ່ “ຂ້ອຍເປັນຄົນຮັບໃຊ້ປະຊາຊົນ”, ທ່ານສີຈິ້ນຜິງໄດ້ປະຕິບັດຕາມຄຳໝັ້ນສັນຂອງຕົນມາໂດຍຕະຫຼອດໂດຍປິ່ນອ້ອມຜົນປະໂຫຍດຂອງປະຊາຊົນ.
(ພາບ: ທ່ານສີຈົ້ງຊຸ່ນໄປສຳຫຼວດວິສາຫະກິດ, ເພື່ອຮັບຮູ້ສະພາບການຜະລິດແລະການປະຕິຮູບຂອງວິສາຫະກິດ)
ຊື່ຂອງທ່ານສີຈົ້ງຊຸ່ນໄດ້ຕິດແໜ້ນກັບພາລະກິດການປະຕິຮູບແລະເປີດປະຕູສູ່ພາຍນອກຂອງແຂວງກວາງຕຸ້ງ. ທ່ານໄດ້ນຳພາປະຊາຊົນກວາງຕຸ້ງເຂົ້າຮ່ວມກະແສປະຫວັດສາດແຫ່ງການປະຕິຮູບແລະເປີດປະຕູສູ່ພາຍນອກ, ປົດປ່ອຍແນວຄິດແລະປ່ຽນຄວາມຄິດທີ່ຜິດພາດກັບຄືນທາງຖືກຕ້ອງ, ສ້າງຕັ້ງເຂດເສດຖະກິດພິເສດ, ໄດ້ສ້າງຄຸນງາມຄວາມດີທີ່ບໍ່ສາມາດລືບໄດ້ໃນຂະບວນການປະຕິຮູບແລະເປີດປະຕູສູ່ພາຍນອກຂອງແຂວງກວາງຕຸ້ງ.
(ພາບ: ວັນທີ 7 ຫາວັນທີ 11 ທັນວາປີ 2012, ທ່ານສີຈິ້ນຜິງໄປສຳຫຼວດວຽກງານຢູ່ແຂວງກວາງຕຸ້ງ. ແລະວາງກະຕ່າດອກໄມ້ຕໍ່ຮູບປັ້ນຂອງທ່ານເຕີ້ງສ້ຽວຜີງຢູ່ສວນສາທາລະນະຫຼຽນຮວາຊ່ານທີ່ນະຄອນເຊີນເຈີ້ນ)
ຫຼັງຈາກກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 18, ທ່ານສີຈິ້ນຜີງລົງສຳຫຼວດວຽກງານຢູ່ທ້ອງຖິ່ນຄັ້ງທຳອິດກໍຄືໄປແຂວງກວາງຕຸ້ງ, ເດືອນຕຸລາປີ 2018, ທ່ານສີຈິ້ນຜີງໄດ້ເດີນທາງເຖິງແຂວງກວາງຕຸ້ງອີກເທື່ອໜຶ່ງ, ແລະປະກາດຕໍ່ທົ່ວໂລກວ່າ: “ການປະຕິຮູບແລະເປີດປະຕູສູ່ພາຍນອກຂອງຈີນຈະບໍ່ມີວັນຢຸດເຊົາຈົນເທົ່າໃດໆ.”
(ພາບ : ເດືອນພະຈິກປີ 1985, ທ່ານສີຈົ້ງຊຸ່ນໄດ້ໄປສຳຫຼວດຢູ່ຊົນນະບົດຂອງແຂວງຈ່ຽງຊີ່, ແລະໄດ້ໄປຢ້ຽມຢາມຄອບຄົວທີ່ທຸກຍາກ)
ໃນເວລາເວົ້າເຖິງພໍ່ຂອງຕົນ, ລູກຂອງທ່ານສີຈົ້ງຊຸ່ນຕ່າງກໍກ່າວວ່າ: “ຕະຫຼອດຊີວິດຂອງພໍ່ຂ້ອຍລ້ວນແຕ່ຍຶດມັ້ນສະແຫວງຫາສັດຈະທຳຈາກຄວາມຈິງ, ບໍ່ເຄີຍກະທຳແບບປິດອຳແຕ່ຢ່າງໃດເລີຍ, ໂດຍສະເພາະໃນບັນຫາທີ່ກ່ຽວພັນເຖິງຜົນປະໂຫຍດຂອງປະຊາຊົນນັ້ນ, ທ່ານບໍ່ເຄີຍທໍ້ຖອຍຈັກເທື່ອ.”
(ພາບ : ຕອນບ່າຍວັນທີ 15 ເມສາປີ 2019, ທ່ານສີຈີ້ນຜີງສົນທະນາກັບຜູ້ຕາງໜ້າຊາວບ້ານ, ພະນັກງານຂັ້ນຮາກຖານ, ເຈົ້າໜ້າທີ່ລົບລ້າງຄວາມທຸກຍາກ, ແພດໝໍຊົນນະບົດແລະອື່ນໆຂອງບ້ານຫົວຊີຕາແສງຈົ່ງຢີ້ເມືອງປົກຄອງຕົນເອງເຜົ່າຖູເຈ່ຍເມືອງສືຈູ້ກ່ຽວກັບບັນຫາລົບລ້າງຄວາມທຸກຍາກ)
ທ່ານສີຈິ້ນຜິງໄດ້ຮັບອິດທິພົນຈາກພໍ່ຕັ້ງແຕ່ອາຍຸຍັງນ້ອຍ. ທ່ານສີຈົ້ງຊຸ່ນເຄີຍກ່າວວ່າ: “ພວກເຮົາບໍ່ພຽງແຕ່ຄວນຮັບຮູ້ປະເທດຈີນ, ຍັງຕ້ອງດັດສ້າງປະເທດຈີນ, ເພື່ອສ້າງປະເທດຈີນທີ່ດີກວ່າເກົ່າແລະສວຍງາມກວ່າເກົ່າ.” ປັດຈຸບັນຄວາມໄຝ່ຝັນຂອງທ່ານສີຈົ້ງຊຸນພວມບັນລຸຜົນເປັນຈິງ. ຢູ່ເຂດຕາເວັນຕົກສຽງເໜືອຂອງຈີນໄດ້ມີຕົວເມືອງປ່າໄມ້ລະດັບຊາດທີ່ເຕັມໄປດ້ວຍພືດສີຂຽວ, ນ້ຳໃສສະອາດແລະອາກາດສົດໃສຫຼາຍແຫ່ງ.
(ພາບ : ສີລະຈາລຶກ “ພູຂຽວນ້ຳໃສກໍແມ່ນພູຄຳພູເງິນ”ຢູ່ບ້ານຢວີຊຸ່ນແຂວງເຈີ້ຈ່ຽງ)
ໃນປະເທດຈີນຊູ່ມື້ນີ້, ທັດສະນະວິທະຍາສາດທີ່ອະນຸລັກສິ່ງແວດລ້ອມຊີວະພາບໄດ້ເຂົ້າສູ່ຈິດໃຈສ່ວນເລິກຂອງປະຊາຊົນ, ການສ້າງຄວາມສີວິໄລທາງລະບົບນິເວດພວມຄືບໜ້າຢ່າງໜັກແໜ້ນ, ອະນາຄົດທີ່ສວຍງາມຂອງຈີນພວມປາກົດຂຶ້ນເປັນກວ້າໆ. ທ່ານສີຈິ້ນຜີງກໍຄືຜູ້ລິເລີ່ມທັດສະນະດັ່ງກ່າວ, ແລະເປັນຜູ້ຊຸກຍູ້ຂອງການປ່ຽນແປງດັ່ງກ່າວ.
(ພາບ : ຮູບຖ່າຍຮ່ວມຂອງທ່ານສີຈິ້ນຜີງແລະທ່ານສີຈົ້ງຊຸ່ນພ້ອມຄອບຄົວ)
ຄົນພໍ່ໄດ້ສ້າງແບບຢ່າງທີ່ຍິ່ງໃຫຍ່, ແລະສັ່ງສອນໃຫ້ພວກເຮົາຄວນເຮັດແນວໃດຈຶ່ງສາມາດກາຍເປັນຄົນທີ່ເປັນປະໂຫຍດຕໍ່ປະຊາຊົນ. ພວກເຮົາຄວນສືບທອດອຸດົມການຂອງຄົນລຸ້ນພໍ່, ແລະຈະຕ້ອນຮັບການຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງປະເທດຊາດກໍຄືຊົນຊາດຕົນໃນທີ່ສຸດ.
ຄຳເຫັນ
0