ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບໍລິສັດໂທລະຄົມສິງກະໂປຈຳກັດປະກາດໃນວັນທີ 22 ມິຖຸນານີ້ວ່າຈະສ້າງການພົວພັນຮ່ວມມືຍຸດທະສາດກັບກຸ່ມເຢວ້ເວີນຈີນ, ສອງຝ່າຍຈະຮ່ວມມືກັນໃນວຽກງານການບໍລິການແລະເນື້ອໃນດ້ານວັນນະຄະດີອິນເຕີເນັດຂອງອາຊີຕາເວັນອອກສຽງໃຕ້, ເພື່ອພ້ອມກັນບຸກເບີກຕະຫຼາດອາຊີຕາເວັນອອກສຽງໃຕ້.
ທ່ານອາເຊີ ລາງ ຜູ້ອຳນວຍການໃຫຍ່ວຽກງານສາກົນຂອງບໍລິສັດໂທລະຄົມສີງກະໂປໄດ້ໃຫ້ສຳພາດໂດຍກ່າວວ່າ, ວັນນະຄະດີອິນເຕີເນັດຍັງເປັນເລື່ອງໃໝ່ຢູ່ເຂດອາຊີຕາເວັນອອກສຽງໃຕ້, ແຕ່ທ່ານເຫັນວ່າຕະຫຼາດວັດທະນະທຳແບບນີ້ມີອະນາຄົດອັນກວ້າງຂວາງຫຼາຍ.
ໃນກິດຈະກຳທີ່ຈັດໃນມື້ດຽວກັນ ກຸ່ມເຢວ້ເວີນຍັງໄດ້ຈັດງານພົບປະກັນລະຫວ່າງນັກປະພັນທີ່ມີຊື່ສຽງທາງອິນເຕີເນັດຂອງຈີນກັບຜູ້ອ່ານຂອງອາຊີຕາເວັນອອກສຽງໃຕ້. ທ່ານນາງເຢ້ເຟີ່ຍເຢ້ ນັກປະພັນທາງເນັດໃຫ້ສຳພາດວ່າ, ຜູ້ອ່ານຕ່າງປະເທດໄດ້ກາຍເປັນກຸ່ມຄົນອ່ານທີ່ສຳຄັນຂອງນັກປະພັນທາງອິນເຕີເນັດຈີນຍ້ອນບົດປະພັນຖືກແປແລະແນະນຳໄປຮອດຕ່າງປະເທດ, ນາງເຫັນວ່າ, ການເດີນໄປສູ່ຕ່າງປະເທດ ເປັນເສັ້ນທາງທີ່ແນ່ນອນໃນການພັດທະນາວັນນະຄະດີທາງອິນເຕີເນັດຂອງຈີນ.
ຄຳເຫັນ
0