ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດອາຊຽນຄັ້ງທີ 34 ໄດ້ສິ້ນສຸດລົງຢູ່ນະຄອນຫຼວງບາງກອກປະເທດໄທໃນວັນທີ 23 ມິຖຸນານີ້. ໃນຖະແຫຼງການຂອງກອງປະຊຸມສຸດຍອດຄັ້ງນີ້ທີ່ເປີດເຜີຍໃນມື້ດັ່ງກ່າວສະແດງໃຫ້ເຫັນວ່າ, ອາຊຽນຄັດຄ້ານລັດທິປົກປ້ອງການຄ້າແລະສະໜັບສະໜູນໂຄງປະກອບການຄ້າຫຼາຍຝ່າຍ.
ໃນຖະແຫຼງການດັ່ງກ່າວ, ອາຊຽນໄດ້ກ່າວເນັ້ນໜັກວ່າຈະສະໜັບສະໜູນໂຄງປະກອບການຄ້າຫຼາຍຝ່າຍທີ່ “ກວມລວມ, ໂປ່ງໃສແລະບົນພື້ນຖານກົດລະບຽບ”. ຖະແຫຼງການລະບຸວ່າ, ປັດຈຸບັນທ່າອ່ຽງຂອງລັດທິປົກປ້ອງການຄ້າແລະລັດທິຝືນໂລກາພິວັດຍັງບໍ່ມີທ່າທີຈະຫຼຸດລົງ, ຍັງສືບຕໍ່ທຳລາຍເສດຖະກິດໂລກແລະເປັນໄພຂົ່ມຂູ່ຕໍ່ໂຄງປະກອບການຄ້າຫຼາຍຝ່າຍ, ອາຊຽນສະແດງຄວາມເປັນຫ່ວງຕໍ່ເລື່ອງນີ້.
ຖະແຫຼງການລະບຸວ່າ, ອົງການການຄ້າໂລກຫຼື WTO ໄດ້ຜະເຊີນກັບສິ່ງທ້າທາຍຢ່າງຫຼວງຫຼາຍ, ເຊິ່ງມີຄວາມຈຳເປັນຕ້ອງປົກປ້ອງແລະເພີ່ມທະວີກົນໄກແກ້ໄຂຄວາມຂັດແຍ້ງກັນ, ກໍຄືກົນໄກພິເສດຂອງ WTO ໃນການແກ້ໄຂຄວາມຂັດແຍ້ງກັນດ້ານການຄ້າ.
ນອກນີ້, ບັນດາຜູ້ນຳປະເທດອາຊຽນເນັ້ນໜັກອີກເທື່ອໜຶ່ງກໍຄືຈະສະໜັບສະໜູນເສດຖະກິດອາຊຽນໃຫ້ເຊື່ອມໂຍງເຂົ້າກັນ, ແລະຢືນຢັນຄວາມສຳຄັນດ້ານການຮ່ວມມືດ້ານການທະນາຄານແລະການເຊື່ອມໂຍງເຂົ້າກັນພາຍໃນອາຊຽນ.
ຄຳເຫັນ
0