ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊີນຮວາ: ວັນທີ 24 ມິຖຸນານີ້ຢູ່ທຳນຽບຂາວ, ທ່ານໂດໂນ ທຣຳ ປະທານາທິບໍດີອາເມຣິກາໄດ້ເຊັນດຳລັດ ເພື່ອຂວ້ຳບາດທ່ານອາຢາໂຕລາ ຊາເຢັດ ອາລີ ຄາເມນີ ຜູ້ນຳສູງສຸດຂອງອີຣານແລະອົງການພາຍໃຕ້ການນຳພາຂອງທ່ານ.
ທ່ານທຣຳກ່າວວ່າ: ການຂວ້ຳບາດຄັ້ງນີ້ແມ່ນການຕອບໂຕ້ການເຄື່ອນໄຫວຕ່າງໆຂອງອີຣານໃນໄລຍະຜ່ານມານີ້ເຊິ່ງລວມທັງການຍິງເຮືອບິນບໍ່ມີຄົນຂັບຂອງອາເມຣິກາຕົກ, ຜູ້ນຳສູງສຸດຂອງອີຣານຄວນຮັບຜິດຊອບຕໍ່ “ການເຄື່ອນໄຫວທີ່ເປັນປໍລະປັກ”ທີ່ອີຣານກໍ່ຂຶ້ນ. ການຂວ້ຳບາດຄັ້ງນີ້ຈະຕັດແຫຼ່ງລາຍຮັບທີ່ສຳຄັນຂອງທ່ານຄາເມນີ, ຫ້ອງການຜູ້ນຳສູງສຸດ ແລະພະນັກງານທີ່ກ່ຽວຂ້ອງ.
ກະຊວງການຕ່າງປະເທດອາເມຣິກາອອກຖະແຫຼງການໃນມື້ດຽວກັນວ່າ, ຄວາມໂດດດ່ຽວດ້ານການທູດແລະການໃຊ້ຄວາມກົດດັນຢ່າງສຸດຂີດດ້ານເສດຖະກິດຂອງອາເມຣິກາທີ່ມີຕໍ່ອີຣານຍັງຈະສືບຕໍ່ປະຕິບັດຢ່າງຕໍ່ເນື່ອງ, ຈົນກວ່າອີຣານຈະຕົກລົງດຳເນີນການເຈລະຈາກ່ຽວກັບສັນຍາຮອບດ້ານສະບັບໃໝ່.
ຄຳເຫັນ
0