ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊີນຮວາ: ກ່ອນໄຂກອງປະຊຸມສຸດຍອດໂອຊາກາຂອງກຸ່ມ G20, ທ່ານເບທຣອງ ເບດີ, ຜູ້ຊ່ຽວຊານດ້ານສາຍພົວພັນລະຫວ່າງຊາດທີ່ມີຊື່ສຽງຂອງສະຖາບັນການເມືອງປາລີ ໄດ້ໃຫ້ສຳພາດຕໍ່ນັກຂ່າວຈີນ ໂດຍກ່າວວ່າ, ການປະກອບສ່ວນຂອງຈີນເພື່ອປົກປ້ອງລັດທິຫຼາຍຝ່າຍແລະຊຸກຍູ້ໂລກາພິວັດນັ້ນໃຜໆກໍ່ເຫັນໄດ້ປະຈັກຕາ, ທ່ານທ້ວງໃຫ້ຈີນສືບຕໍ່ຊຸກຍູ້ການຄຸ້ມຄອງບໍລິຫານທົ່ວໂລກໃຫ້ສົມບູນຂຶ້ນໃນກອງປະຊຸມສຸດຍອດ G20 ຄັ້ງນີ້.
ທ່ານເບດີກ່າວວ່າ, ຈີນຕັ້ງໜ້າຊຸກຍູ້ການແກ້ໄຂສະຖານະການຄວາມເຄັ່ງຕຶງໃນສະເພາະໜ້າໂດຍຜ່ານການຄຸ້ມຄອງບໍລິຫານທົ່ວໂລກ, ແລະເຂົ້າຮ່ວມການປັບປຸງສະພາບແວດລ້ອມທົ່ວໂລກຢ່າງຕັ້ງໜ້າ, ສະໜັບສະໜູນອົງການ UNDP ຢ່າງແຂງແຮງ, ການກະທຳເຫຼົ່ານີ້ໄດ້ສ້າງຜົນປະໂຫຍດຢ່າງຕັ້ງໜ້າຕໍ່ໂລກ.
ໃນເວລາກ່າວເຖິງສະຖານະການຄວາມເຄັ່ງຕຶງດ້ານການຄ້າສາກົນໃນປະຈຸບັນ, ທ່ານເບດີກ່າວວ່າ, ອາເມລິກາຂົ່ມຂູ່ວ່າຈະຂຶ້ນພາສີຕໍ່ເຫຼົ້າແວງຝຣັ່ງ, ແລະຈະກໍ່ສົງຄານດ້ານການຄ້າກັບຈີນ, ການກະທຳແບບລັດທິຝ່າຍດຽວເຫຼົ່ານີ້ໄດ້ສ້າງຄວາມເສຍຫາຍຢ່າງໃຫຍ່ຫຼວງຕໍ່ເສດຖະກິດທົ່ວໂລກ.
ຄຳເຫັນ
0