ຕາມ​ຂ່າວ CRI: “ກົດ​ໝາຍ​ວ່າ​ດ້ວຍ​ການ​ປົກ​ປ້ອງ​ຄອບ​ຄົວ” ສະ​ບັບ​ໃໝ່​ຂອງ​ໄທ​ຈະ​ມີ​ຜົນ​ບັງ​ຄັບ​ໃຊ້​ເລີ່ມ​ແຕ່​ວັນ​ທີ 20 ສິງ​ຫາ​ປີ​ນີ້, ໃນ​ກົດ​ໝາຍ​ສະ​ບັບ​ນີ້​ໄດ້​ໃຫ້ນິ​ຍາມ​ໃໝ່​ຕໍ່​ການ​ກະ​ທຳ​ຄວາມ​ຮຸນ​ແຮງ​ໃນ​​ເຮືອນ, ຖ້າ​ວ່າ​ສູບ​ຢາ​ໃນ​ເຮືອນ​ຕົນ​ຖື​ວ່າ​ເປັນ​ການ​ທຳ​ລາຍ​ສຸ​ຂະ​ພາບ​ທາງ​ຮ່າງ​ກາຍ​ແລະ​ຈິດ​ໃຈ​ຂອງ​ສະ​ມາ​ຊິກ​​ພາຍ​ໃນຄອບ​ຄົວ​, ຈະ​ຖືວ່າ​ເປັນ​ການ​ກະ​ທຳ​ຄວາມ​ຮຸນ​ແຮງ​ໃນ​ເຮືອນ, ຈະ​ຖືກ​ລົງ​ໂທດ​ທາງ​ກົດ​ໝາຍ.

ອີງ​ຕາມ​ກົດ​ໝາຍ​ປົກ​ປ້ອງ​ຄອບ​ຄົວ​ໄທ​ສະ​ບັບ​ໃໝ່, ຖ້າ​ວ່າ​ສະ​ມາ​ຊິກ​ຄອບ​ຄົວ​ມີ​ບັນ​ຫາ​ດ້ານ​ສຸ​ຂະ​ພາບ​ອັນ​ເກີດ​ຈາກ​ການ​ສູບ​ຢາ, ​ດັ່ງ​ນັ້ນການ​ສູບ​ຢາ​ຢູ່​ໃນເຮືອນ​ກໍ​ຈະ​ຖື​ວ່າ​ເປັນ​ການ​ກະ​ທຳ​ຄວາມ​ຮຸນ​ແຮງ​ໃນເຮືອນ, ​ຕາມ​ກົດ​ໝາມຍ​ຖື​ວ່າ​ເປັນ​ການ​ລະ​ເມີດ​ແລະຈະ​ສັ່ງ​ໃຫ້​ຜູ້​ສູບ​ຢາ​ໄດ້​ຕ້ອງ​ໄດ້​ຮັບ​ການ​ບຳ​ບັດ​ຢາ​ສູບ​ແບບ​ບັງ​ຄັບ.