ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ມິຖຸນານີ້, ກອງປະຊຸມສຳມະນາ “ໜຶ່ງແລວໜຶ່ງເສັ້ນທາງ” ກັບການພັດທະນາອາຊຽນເຊິ່ງເປັນກິດຈະກຳຕ່າງໆຮອບທີ 2 ຂອງເວທີປຶກສາຫາລືຈາກາຕາກ່ຽວກັບການພົວພັນຈີນ-ອາຊຽນໄດ້ຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍພາຍໃຕ້ຫົວຂໍ້ “ໜຶ່ງແລວໜຶ່ງເສັ້ນທາງ” ກັບອາຊຽນ: ການພັດທະນາຮ່ວມກັນແລະຊົມໃຊ້ຄວາມຈະເລີນຮຸ່ງເຮືອງຮ່ວມກັນ.
ທ່ານ ຮວງຊີ່ລຽນ ເອກອັກຄະລັດຖະທູດຈີນປະຈຳອາຊຽນໄດ້ເຂົ້າຮ່ວມກອງປະຊຸມແລະກ່າວຄຳປາໄສ. ໂດຍທ່ານກ່າວວ່າ: ກ່ອນໜ້ານີ້ບໍ່ດົນ, ກອງປະຊຸມສຸດຍອດຂອງເວທີປຶກສາຫາລືການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 2 ໄດ້ຈັດຂຶ້ນຢ່າງສຳເລັດຜົນຢູ່ນະຄອນຫຼວງປັກກິ່ງ,ແລະໄດ້ຮັບໝາກຜົນທີ່ອຸດົມສົມບູນ ເຊິ່ງເປັນຂີດໝາຍສະແດງໃຫ້ເຫັນວ່າ“ໜຶ່ງແລວໜຶ່ງເສັ້ນທາງ”ໄດ້ເລີ່ມກ້າວເຂົ້າສູ່ໄລຍະໃໝ່ແຫ່ງການພັດທະນາຢ່າງມີຄຸນນະພາບສູງ. ເມື່ອຫວນຄືນຫຼັງ,ອາຊຽນໄດ້ກາຍເປັນເຂດທີ່ປະສົບຜົນສຳເລັດຢ່າງຊັດເຈນໃນການຊຸກຍູ້ການຮ່ວມກັນສ້າງ“ໜຶ່ງແລວໜຶ່ງເສັ້ນທາງ”ຂອງຈີນ. ການຮ່ວມມືລະຫວ່າງສອງຝ່າຍໄດ້ກ້າວໄປໜ້າໃນຂະບວນການຄົ້ນຄວ້າ,ໄດ້ປັບປຸງໃຫ້ດີຂຶ້ນໃນຂະບວນການພັດທະນາແລະໄດ້ເຕີບໃຫຍ່ຂະຫຍາຍຕົວໃນຂະບວນການປະດິດສ້າງໃໝ່ ໂດຍໄດ້ຮັບໝາກຜົນແບບຕ່າງຝ່າຍຕ່າງມີຜົນປະໂຫຍດທີ່ໜ້າປະທັບໃຈ. ເມື່ອເບິ່ງອະນາຄົດ,ອາຊຽນເປັນເຂດທີ່ມີຄວາມສາມາດບົ່ມຊ້ອນທີ່ສຸດໃນການເຊື່ອມຕໍ່ກັບການສ້າງ“ໜຶ່ງແລວໜຶ່ງເສັ້ນທາງ”,ສອງຝ່າຍພວມສຸມທຸກກຳລັງເພື່ອຊຸກຍູ້ການເຊື່ອມຕໍ່“ໜຶ່ງແລວໜຶ່ງເສັ້ນທາງ”ກັບ “ແຜນແມ່ບົດກ່ຽວກັບການເຊື່ອມຈອດກັນຂອງອາຊຽນປີ 2025”, ເຊື່ອວ່ານີ້ຈະເປັນການເພີ່ມພະລັງແຮງໃໝ່ທີ່ເຂັ້ມແຂງເຂົ້າໃນການຮ່ວມມືລະຫວ່າງສອງຝ່າຍ.
ຄຳເຫັນ
0