ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ມິຖຸນານີ້, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວວ່າ, ຈີນຫວັງວ່າ ກອງປະຊຸມສຸດຍອດG20 ຄັ້ງທີ 14 ທີ່ຈະຈັດຂຶ້ນຢູ່ໂອຊາກາປະເທດຍີ່ປຸ່ນໃນໄວໆນີ້ຈະສາມາດສົ່ງສັນຍານອັນແຮງກ້າໃນການສະໜັບສະໜູນລັດທິຫຼາຍຝ່າຍ, ຄັດຄ້ານລັດທິຝ່າຍດຽວ, ສະໜັບສະໜູນການເປີດປະຕູແລະກວມລວມ, ຄັດຄ້ານລັດທິປົກປ້ອງ, ສະໜັບສະໜູນການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ຄັດຄ້ານການຂົ່ມເຫັງເຕັງເອິກປະເທດອື່ນດ້ວຍແນວຄິດມະຫາອຳນາດ.
ໃນກອງປະຊຸມຖະແຫຼງຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນວັນທີ 25 ມິຖຸນານີ້, ມີນັກຂ່າວຖາມວ່າ: ວັນທີ 24 ມິຖຸນານີ້, ອົງການກອງທຶນເງິນຕາສາກົນແລະອົງການການຄ້າໂລກຕ່າງກໍໄດ້ເປີດເຜີຍບົດລາຍງານເພື່ອສະແດງຄວາມເປັນຫ່ວງຕໍ່ອະນາຄົດຂອງເສດຖະກິດໂລກ ໂດຍເຫັນວ່າ ມາດຕະການຈຳກັດທີ່ສະມາຊິກG20ວາງອອກພ້ອມດ້ວຍສະພາບທີ່ການຄ້າລະຫວ່າງສະມາຊິກG20ມີຄວາມເຄັ່ງຕຶງໄດ້ເຮັດໃຫ້ການຂະຫຍາຍຕົວຂອງເສດຖະກິດໂລກມີຄວາມບໍ່ແນ່ນອນເພີ່ມຫຼາຍຂຶ້ນ, ສະນັ້ນ,ຈິ່ງຮຽກຮ້ອງໃຫ້ບັນດາປະເທດສະມາຊິກG20ຈົ່ງຮ່ວມກັນສຸມທຸກຄວາມພະຍາຍາມເພື່ອຮັບມືກັບບັນຫານີ້, ຈີນມີຄວາມເຫັນແນວໃດຕໍ່ເລື່ອງນີ້.
ທ່ານເກີງສວງກ່າວວ່າ: ພວກເຮົາໄດ້ເອົາໃຈໃສ່ຕິດຕາມບົດລາຍງານສອງສະບັບດັ່ງກ່າວແລ້ວ ໂດຍເຫັນວ່າ ເນື້ອໃນທີ່ກ່ຽວຂ້ອງໃນບົດລາຍງານໄດ້ສ່ອງແສງໃຫ້ເຫັນເຖິງສຽງຮຽກຮ້ອງທົ່ວໄປແລະຄວາມກັງວົນຮ່ວມຂອງປະຊາຄົມໂລກໃນປັດຈຸບັນ. ແມ່ນແທ້, ເສດຖະກິດໂລກໃນປັດຈຸບັນມີຄວາມບໍ່ແນ່ນອນແລະມີຄວາມບໍ່ໝັ້ນທ່ຽງນັ້ນ ຕົ້ນຕໍແມ່ນເກີດຈາກສະພາບຄວາມເຄັ່ງຕຶງດ້ານການຄ້າ ແລະສະພາບຄວາມເຄັ່ງຕຶງດ້ານການຄ້າ ຕົ້ນຕໍກໍເກີດຂຶ້ນຈາກລັດທິຝ່າຍດຽວ,ລັດທິປົກປ້ອງແລະລັດທິມະຫາອຳນາດ.
ຄຳເຫັນ
0