ວັນ​ທີ 25 ມິຖຸນາ​ນີ້, ກອງ​ປະຊຸມ​ຍ້ອງຍໍຊົມ​ເຊີຍ “ລັດຖະກອນ ​ແລະ​ກຸ່ມ​ລັດຖະກອນ​ທີ່​ປະຊາຊົນ​ເພິ່ງ​ພໍ​​ໃຈ" ​ໃນ​ທົ່ວ​ປະ​ເທດ​ຄັ້ງ​ທີ 9 ​ໄດ້​ຈັດ​ຂຶ້ນ​ຢູ່​ນະຄອນຫຼວງ​ປັກ​ກິ່ງ. ທ່ານ​ສີ​ຈິ້ນຜິ​ງ ​ເລຂາ​ທິການ​ໃຫຍ່ຄະນະ​ກຳມະການສູນ​ກາງ​ພັກ​ກອມ​ມູນິດ, ປະທານ​ປ​ະ​ເທດ​ຈີນ, ປະທານ​ຄະນະ​ກຳມະການ​ການ​ທະຫານ​ສູນ​ກາງ​ຈີນ​ໄດ້​ພົບ​ປະ​ກັບ​ບັນດາຜູ້ຕາງໜ້າດັ່ງກ່າວ ​ເພື່ອສະ​ແດງ​ຄວາມ​ຍ້ອງຍໍຊົມ​ເຊີຍ ​ແລະ​​ໃຫ້​ທິດ​ຊີ້​ນຳ​ຕໍ່​ບັນດາ​ທ່ານ​ເລົ່າ​ນັ້ນ​ຢ່າ​ລືມ​ອຸດົມ​ການ​ແຕ່​ຫົວທີ, ຈື່ຈຳ​ໜ້າ​ທີ່ຢ່າງ​ແໜ້ນ​ແກ່ນ ​ແລະ​ສ້າງ​ຜົນງານ​ຍິ່ງ​ໃຫຍ່​ກວ່າ​ເກົ່າ​ໃນໜ້າ​ທີ່​ຕຳ​ແໜ່​ງຂອງ​ຕົນ.