ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ມິຖຸນານີ້, ລັດຖະບານຈີນໄດ້ໄຂກອງປະຊຸມຜ່ານວີດີໂອກ່ຽວກັບການລົງເລິກການປະຕິຮູບ “ການກະຈາຍອຳນາດ, ການຄຸ້ມຄອງແລະບໍລິການ" ເຊິ່ງໝາຍຄວາມວ່າ: ເຮັດໃຫ້ຂັ້ນຕອນອະນຸມັດກະທັດຮັດ, ການກະຈາຍອຳນາດລົງສູ່ທ້ອງຖິ່ນ, ໃຫ້ “ການກະຈາຍອຳນາດ”ກັບ “ການຄຸ້ມຄອງ”ມີຄວາມກົມກຽວກັນ, ແລະໃຫ້ການບໍລິການດີຂຶ້ນ ເພື່ອປັບປຸງສະພາບແວດລ້ອມດ້ານທຸລະກິດການຄ້າ. ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກກອມມູນິດຈີນ ນາຍົກລັດຖະມົນຕີຈີນໄດ້ກ່າວຄຳປາໃສສຳຄັນວ່າ: ທຸກເຂດແຂວງທຸກພາກສ່ວນຕ້ອງຊຸກຍູ້ການປະຕິຮູບກ່ຽວກັບ “ການກະຈາຍອຳນາດ,ການຄຸ້ມຄອງແລະບໍລິການ" ແລະເຮັດໃຫ້ສະພາບແວດລ້ອມດ້ານທຸລະກິດການຄ້າມີປະສິດທິຜົນຫຼາຍກວ່າເກົ່າ, ເພື່ອບັນລຸເປົ້າໝາຍຕົ້ນຕໍໃນການພັດທະນາໝົດປີນີ້.
ທ່ານຫຼີເຄີ້ສຽງກ່າວວ່າ, ປັດຈຸບັນ, ສະພາບແວດລ້ອມສາກົນມີການປ່ຽນແປງຢ່າງເລິກເຊິ່ງ. ຕ້ອງເຮັດວຽກຂອງຕົນໃຫ້ດີ, ຮັບມືກັບສິ່ງທ້າທາຍຈາກຄວາມສ່ຽງ, ຕ້ອງລົງເລິກການປະຕິຮູບແລະເປີດປະຕູສູ່ພາຍນອກ, ຕ້ອງເອົາການປະຕິຮູບ“ການກະຈາຍອຳນາດ,ການຄຸ້ມຄອງແລະບໍລິການ" ເປັນມາດຕະການອັນສຳຄັນໃນການຮັກສາ "6 ໝັ້ນທ່ຽງ” ເຊິ່ງກໍ່ຄື: “ການມີວຽກເຮັດງານທຳໝັ້ນທ່ຽງ, ການທະນາຄານໝັ້ນທ່ຽງ, ການຄ້າກັບຕ່າງປະເທດໝັ້ນທ່ຽງ, ການລົງທືນຂອງຕ່າງປະເທດໝັ້ນທ່ຽງ, ການນຳໃຊ້ງົບປະມານໝັ້ນທ່ຽງ, ການຄາດຄະເນໝັ້ນທ່ຽງ”, ເພື່ອກະຕຸກຊຸກຍູ້ໃຫ້ອົງກອນຕົ້ນຕໍຂອງຕະຫຼາດມີພະລັງຊີວິດ, ຊຸກຍູ້ເສດຖະກິດໝູນເດີນຢ່າງທຸ່ນທ່ຽງໜັກແໜ້ນແລະພັດທະນາດ້ວຍຄຸນນະພາບສູງ.
ຄຳເຫັນ
0