ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ມິຖຸນານີ້, ງານຟັງຄຳໃຫ້ການກ່ຽວກັບລັດຖະບານອາເມຣິກາມີແຜນຈະຂຶ້ນພາສີຕໍ່ຜະລິດຕະພັນທີ່ຈີນສົ່ງອອກສູ່ອາເມຣິກາທີ່ມີມູນຄ່າປະມານ 300 ຕື້ໂດລາສະຫະລັດໄດ້ເຂົ້າສູ່ມື້ສຸດທ້າຍແລ້ວ. ຜູ້ຕາງໜ້າຂອງວິສາຫະກິດອາເມຣິກາຫຼາຍແຫ່ງໄດ້ຮຽກຮ້ອງໃຫ້ລັດຖະບານບໍ່ຄວນຂຶ້ນພາສີຕໍ່ຜະລິດຕະພັນທີ່ນຳເຂົ້າຈາກຈີນ,ແລະເຫັນວ່າການຂຶ້ນພາສີຈະເຮັດໃຫ້ຜົນປະໂຫຍດຂອງວິສາຫະກິດແລະຜູ້ບໍລິໂພກໄດ້ຮັບຜົນກະທົບ,ທັງບໍ່ມີຜົນດີຕໍ່ການປົກປ້ອງຊັບສິນທາງປັນຍາແລະຕຳແໜ່ງງານຂອງອາເມຣິກາ.
ໃນງານຟັງຄຳໃຫ້ການໃນມື້ດັ່ງກ່າວ,ຜູ້ຕາງໜ້າ 40 ກວ່າທ່ານຈາກຂະແໜງການຕ່າງໆຂອງອາເມຣິກາເຊັ່ນ: ຂະແໜງການເຄື່ອງນຸ່ງຫົ່ມ,ອຸປະກອນການອອກກຳລັງກາຍ,ອຸປະກອນເອເລັກໂຕຣນິກເຄື່ອນທີ່,ສຸຂະພັນ, ເຄື່ອງອາໄຫຼ່ໄຟຟ້າແລະຂະແໜງການອື່ນໆເຫັນວ່າ:ການຂຶ້ນພາສີຕໍ່ສິນຄ້ານຳເຂົ້າຈາກຈີນຈະເຮັດໃຫ້ວິສາຫະກິດແລະຜູ້ບໍລິໂພກອາເມຣິກາໄດ້ຮັບຜົນກະທົບ,ເນື່ອງຈາກຜູ້ສະໜອງສິນຄ້າຂອງຈີນມີທ່າແຮງດ້ານລາຄາແລະຄວາມສາມາດການຜະລິດ,ເຊິ່ງວິສາຫະກິດອາເມຣິກາຄິດຈະຫັນປ່ຽນຕ່ອງໂສ້ການສະໜອງນັ້ນເປັນໄປໄດ້ຍາກ.
ຄຳເຫັນ
0