ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກົມການເມືອງສູນກາງພັກກອມມູນິດຈີນໄດ້ຈັດການຮ່ຳຮຽນແບບລວມໝູ່ຄັ້ງທີ 15 ກ່ຽວກັບ “ການຈື່ຈຳພາລະກຳແຕ່ຫົວທີ, ຊຸກຍູ້ການປະຕິວັດຕົວເອງ” ໃນວັນທີ 24 ມິຖຸນານີ້.
ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ໄດ້ເປັນປະທານການຮ່ຳຮຽນ ໂດຍກ່າວເນັ້ນວ່າ: ພັກກອມມູນິດຈີນໄດ້ພັດທະນາແລະເຕີບໂຕຂະຫຍາຍຕົວຂຶ້ນເປັນພັກຍິ່ງໃຫຍ່ໄດ້ເກືອບ 100 ປີມາແລ້ວ ການຈະເຮັດແນວໃດເພື່ອຮັກສາຄວາມກ້າວໜ້າແລະປອດໃສໄຮ້ມົນທິນ, ຮັກສາຄວາມມີຊີວິດຊີວາຂອງຈິດໃຈຟົດຟື້ນຫ້າວຫັນ, ການຈະເຮັດແນວໃດເພື່ອຈະໄດ້ຮັບຄວາມເຫັນດີເຫັນພ້ອມແລະໄດ້ຮັບການສະໜັບສະໜູນຈາກປະຊາຊົນຕະຫຼອດກາລະນານ, ການຈະເຮັດແນວໃດເພື່ອຈະສາມາດຄອງອຳນາດຕະຫຼອດໄປ ແມ່ນບັນຫາພື້ນຖານບັນຫາໜຶ່ງທີ່ພວກເຮົາຕ້ອງໄດ້ໃຫ້ຄຳຕອບແລະແກ້ໄຂເປັນຢ່າງດີ. ພັກພວກເຮົາໄດ້ຮຽກຮ້ອງໃຫ້ສະມາຊິກພັກທຸກສະຫາຍບໍ່ລືມອຸດົມການແຕ່ຫົວທີ, ຈື່ຈຳພາລະກຳ ກໍເພື່ອເຕືອນໃຫ້ສະມາຊິກພັກທຸກສະຫາຍຕ້ອງຮູ້ວ່າ ອຸດົມການແຕ່ຫົວທີແລະພາລະກຳຂອງພັກແມ່ນການສະແດງໃຫ້ເຫັນແບບລວມສູນເຖິງທາດແທ້ຈຸດປະສົງ, ອຸດົມຄະຕິ ແລະ ເປົ້າໝາຍສູ້ຊົນຂອງພັກ, ເພື່ອຄອງອຳນາດຕະຫຼອດການ ກໍແຮ່ງບໍ່ຄວນລືມອຸດົມການແຕ່ຫົວທີແລະພາລະກຳຂອງພັກ ແລະ ແຮ່ງບໍ່ຄວນລືມແນວຄິດປະຕິວັດຕົວເອງ, ຄວນຊຸກຍູ້ການປະຕິວັດຕົວເອງໃຫ້ເຂົ້າສູ່ລວງເລິກໃນຍຸກໃໝ່, ສ້າງພັກພວກເຮົາໃຫ້ກາຍເປັນພັກກຳອຳນາດຕາມລັດທິມາກທີ່ກ້າວເດີນຢູ່ແຖວໜ້າຂອງຍຸກສະໄໝຢ່າງສະເໝີຕົ້ນສະເໝີປາຍ, ໄດ້ຮັບຄວາມເຫັນດີເຫັນພ້ອມຢ່າງຈິງໃຈຈາກປະຊາຊົນ, ກ້າປະຕິວັດຕົວເອງ, ສາມາດທົນຕໍ່ແຮງທົດສອບຕ່າງໆ ແລະເຕັມໄປດ້ວຍຈິດໃຈຟົດຟື້ນແລະຫ້າວຫັນ.
ຄຳເຫັນ
0