ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 27 ມິຖຸນານີ້ຢູ່ໂອຊາກາ, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານຊີນໂຊະ ອາເບະ ນາຍົກລັດຖະມົນຕີຍີ່ປຸ່ນ. ຜູ້ນຳສອງປະເທດເນັ້ນໜັກວ່າ: ຈະເຄົາລົບແລະປະຕິບັດຫຼັກການທຸກປະການທີ່ໄດ້ຕົກລົງໃນເອກະສານການເມືອງ 4 ສະບັບລະຫວ່າງຈີນ-ຍີ່ປຸ່ນ, ປະຕິບັດຄວາມເຫັນເປັນເອກະພາບກັນດ້ານການເມືອງລະຫວ່າງຈີນ-ຍີ່ປຸ່ນທີ່ວ່າ: ຕ່າງກໍ່ເປັນຄູ່ຮ່ວມມື, ຕ່າງບໍ່ເປັນຄູ່ປໍລະປັກ, ຊຸກຍູ້ການພົວພັນຈີນ-ຍີ່ປຸ່ນໃຫ້ຂະຫຍາຍໄປໜ້າຕາມທິດທາງທີ່ຖືກຕ້ອງບົນຈິດໃຈປ່ຽນການແຂ່ງຂັນເປັນການປະສານງານກັນ.
ຜູ້ນຳທັງສອງເຫັນດີຮັກສາການແລກປ່ຽນຄວາມຄິດຄວາມເຫັນຢ່າງໃກ້ຊິດ, ເພີ່ມທະວີການນຳພາຂອງການນຳຂັ້ນສູງ, ເພີ່ມຄວາມໄວ້ເນື້ອເຊື່ອໃຈການດ້ານການເມືອງ. ທ່ານນາຍົກອາເບະໄດ້ຕາງໜ້າໃຫ້ລັດຖະບານຍີ່ປຸ່ນເຊື້ອເຊີນທ່ານປະທານສີຈິ້ນຜິງຢ້ຽມຢາມຍີ່ປຸ່ນທາງລັດຖະກິດໃນລະດູບານໃໝ່ປີໜ້າ, ທ່ານສີຈິ້ນຜິງຮັບເອົາການເຊື້ອເຊີນໃນດ້ານຫຼັກການ.
ຄຳເຫັນ
0