ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນຍີ່ປຸ່ນເປີດເຜີຍຫຼັກຖານການນຳໃຊ້ອາຍພິດຂອງກອງທັບຍີ່ປຸ່ນທີ່ຮຸກຮານຈີນ
ຂ່າວສານກຽວໂດຍີ່ປຸ່ນລາຍງານໃນກາງຄືນວັນທີ 7 ກໍລະກົດນີ້ວ່າ ເມື່ອບໍ່ດົນມານີ້, ທ່ານມັດຊູໂນະ ນັກຄົ້ນຄວ້າປະຫວັດສາດຍີ່ປຸ່ນໄດ້ພົບ “ບັນທຶກການສູ້ຮົບທີ່ລະອຽດ” ທີ່ໄດ້ບັນທຶກສະພາບການນຳໃຊ້ລະເບີດອາຍພິດຢູ່ສະໜາມຮົບໃນເວລາຮຸກຮານຈີນຂອງກອງທັບຍີ່ປຸ່ນສະບັບໜຶ່ງ.
ທ່ານມັດຊູໂນະ ກ່າວວ່າ: ນີ້ເປັນຄັ້ງທຳອິດທີ່ພົບເອກະສານຂອງໜ່ວຍຮົບອາຍພິດໃນກອງທັບຍີ່ປຸ່ນທີ່ບັນທຶກຂໍ້ມູນທີ່ກ່ຽວຂ້ອງ ເຊັ່ນ: ການນຳໃຊ້ລະເບີດອາຍພິດທີ່ເຮັດໃຫ້ຜິວໜັງເປື່ອຍ ເຊິ່ງເປັນຫຼັກຖານທີ່ໜາແໜ້ນກ່ຽວກັບກອງທັບຍີ່ປຸ່ນໄດ້ນຳໃຊ້ລະເບີດອາຍພິດໃນສົງຄາມຮຸກຮານຈີນ. ຂະນະທີ່ສະພາບຄວາມເປັນຈິງໃນສະໜາມຮົບຂອງສົງຄາມຮຸກຮານຈີນທີ່ສາມາດຄົ້ນພົບຢ່າງຈະແຈ້ງແລ້ວນັ້ນ ມີພຽງແຕ່ສ້ຽວໜຶ່ງເທົ່ານັ້ນ, ມີຄວາມຈຳເປັນຈະຕ້ອງສືບຫາຄວາມເປັນຈິງ ແລະ ຖອດຖອນບົດຮຽນດ້ານລົບ ເພື່ອບໍ່ໃຫ້ປະຫວັດສາດແຫ່ງໂສກນາດຕະກຳຊ້ຳຮອຍເກົ່າອີກ.
ຮູບຖ່າຍ “ບັນທຶກການສູ້ຮົບທີ່ລະອຽດ” ຂອງທ່ານມັດຊູໂນະ ໄດ້ສະແດງໃຫ້ເຫັນວ່າ ເດືອນກໍລະກົດປີ 1939, ກອງພັນປືນຄົກທີ 5 ຂອງໜ່ວຍຮົບອາຍພິດໃນກອງທັບຍີ່ປຸ່ນໄດ້ຍິງ “ລູກປືນໃຫຍ່ສີແດງ” ທີ່ສາມາດທຳລາຍລະບົບຫາຍໃຈຝືດຮຸນແຮງ 231 ລູກ ແລະ “ລູກປືນໃຫຍ່ສີເຫຼືອງ" ທີ່ສາມາດຊຶມກັດແລະເຮັດໃຫ້ຜິວໜັງເປື່ອຍ 48 ລູກໃສ່ກອງທັບຈີນ ໃນເວລາສູ້ຮົບຢູ່ເຂດພູທາງພາກຕາເວັນອອກຂອງແຂວງຊ່ານຊີ່ຈີນ.
ຄຳເຫັນ
0