ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພາຍຫຼັງເອກກະສານຕຳນິຕິຕຽນລັດຖະບານອາເມຣິກາຂອງທ່ານຄິມ ດາຣອກ ເອກອັກຄະລັດຖະທູດອັງກິດປະຈຳອາເມຣິກາຫຼາຍສະບັບຖືກເປີດເຜີຍແລ້ວ, ທ່ານໂດໂນ ທຣຳ ປະທານາທິບໍດີອາເມຣິກາກ່າວໃນວັນທີ 8 ກໍລະກົດນີ້ວ່າຈະບໍ່ພົວພັນກັບທ່ານດາຣອກອີກ.
ວັນທີ 8 ກໍລະກົດນີ້, ທ່ານທຣຳກ່າວໃນສື່ສັງຄົມອອກລາຍວ່າ: ຕົນເອງບໍ່ຮູ້ຈັກກັບທູດທ່ານນີ້, ທ່ານດາຣອກເປັນທີ່ບໍ່ຍອມຮັບພາຍໃນອາເມຣິກາ, ອາເມຣິກາຈະບໍ່ພົວພັນກັບທ່ານດາຣອກອີກ. ຂະນະດຽວກັນທ່ານທຣຳໄດ້ຕຳນິຕິຕຽນນະໂຍບາຍ “ຖອນອອກຈາກສະຫະພາບເອີຣົບ” ຂອງທ່ານນາງເທເຣຊາ ເມ ນາຍົກລັດຖະມົນຕີອັງກິດ, ແລະກ່າວວ່າທ່ານນາງ ເທເຣຊາ ເມບໍ່ໄດ້ຮັບຟັງຂໍ້ສະເໜີຂອງຕົນ.
ວັນທີ 7 ກໍລະກົດນີ້, ສື່ມວນຊົນອັງກິດໄດ້ລົງພິມບົດບັນທຶກຊ່ວຍຈຳແລະໂທລະເລກຫຼາຍສະບັບທີ່ທ່ານດາຣອກສົ່ງໄປໃຫ້ລັດຖະບານອັງກິດ, ໃນເອກກະສານດັ່ງກ່າວທ່ານດາຣອກກ່າວວ່າລັດຖະບານທຣຳ “ບໍລິຫານບໍ່ປົກກະຕິ”, “ຄາດຄະເນຍາກ” ແລະ “ມີຄວາມສາມາດບໍ່ພຽງພໍ”
ທ່ານດາຣອກດຳລົງຕຳແໜ່ງເອກອັກຄະລັດຖະທູດອັງກິດປະຈຳອາເມຣິກາເມື່ອເດືອນມັງກອນປີ 2016. ກ່ອນໜ້ານີ້, ທ່ານເຄີຍດຳລົງຕຳແໜ່ງເປັນທີ່ປຶກສາຄວາມໝັ້ນຄົງແຫ່ງຊາດຂອງນາຍົກລັດຖະມົນຕີອັງກິດແລະຜູ້ຕາງໜ້າຖາວອນຂອງອັງກິດປະຈຳສະຫະພາບເອີລົບ.
ຄຳເຫັນ
0