李建祥

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
亚洲文明大会专题_fororder_760x250

ກຳ​ປັ່ນ​ບັນ​ທຸກ​ເຮືອ​ບິນ​ລຳ​ທຳ​ອິດ​ຂອງ​ອິນ​ເດຍ​ຈະ​ມອບ​ໃຫ້​ກອງ​ທັບ​ເຮືອ​ໃນ​ປີ 2021

2019-07-09 16:09:10 cri

    ວັນ​ທີ 8 ກໍ​ລະ​ກົດ​ນີ້, ທ່ານ​ພົນ​ໂທ ຊາກ​ເສ​ນາ ​ຜູ້​ຮັບ​ຜິ​ດ​ຊອບ​ການ​ຜະ​ລິດ​ແລະ​ການ​ຈັດ​ຊື້​ກຳ​ປັ່ນ​ຂອ​ງ​ອິນ​ເດຍ​ກ່າວ​ວ່າ: ກຳ​ປັ່ນ​ບັນ​ທຸກ​ເຮືອ​ບິນ “ວີ​ຄ​ຣານ​ທ໌” ທີ່​ອິນ​ເດຍ​ຜະ​ລິດ​ລຳ​ທຳ​ອິດ ຈະ​ມອບ​ໃຫ້​ກອງ​ທັບ​ເຮືອ​ໃນ​ເດືອນ​ກຸມ​ພາ​ປີ 2021 ແລະ​ຄາດ​ວ່າ​ຈະ​ເລີ່ມປະ​ຕິ​ບັດ​ການ​ໃນ​ປີ 2023.

    ທ່ານ ຊາກ​​ເສ​ນາ ໄດ້​ກ່າວ​ໃນ​ກອງ​ປະ​ຊຸມ​ສຳ​ມະ​ນາ​ທີ່​ຈັດ​ຂຶ້ນ​ຢູ່​ນິວ​ແດນ​ລີ​ໃນ​ມື້​ດຽວ​ກັນ​ວ່າ: ການ​ທົດ​ລອງ​ເບື້ອງ​ຕົ້ນ​ຂອງ​ກຳ​ປັ່ນ​ບັນ​ທຸກ​ເຮືອ​ບິນ “ວີ​ຄ​ຣານ​ທ໌” ຈະ​ດຳ​ເນີນ​​ງານແຕ່​ເດືອນ​ກຸມ​ພາ​ຫາ​ເດືອນ​ມີ​ນາ​ປີ​ໜ້າ, ຫຼັງ​ຈາກນັ້ນ ຈະ​ດຳ​ເນີນ​ການ​ທົດ​ລອງ​ເທິງ​ທະ​ເລ, ສ່ວນ​ການ​ທົດ​ລອງ​ການ​ບິນ​ຈະ​ດຳ​ເນີນ​ງານຫຼັງ​ຈາກມອບ​ໃຫ້​ກອງ​ທັບ​ເຮືອ​ໃນ​ປີ 2021.

    ​ກຳ​ປັ່ນ “ວີ​ຄ​ຣານ​ທ໌” ມີ​ປະ​ລິ​ມານ​ດັນ​ນ້ຳ ຫຼື displacement ​ປະ​ມານ 4 ໝື່ນ​ໂຕນ, ຍາວ​ປະ​ມານ 260 ແມັດ, ກວ້າງ 60 ແມັດ, ສາ​ມາດ​ບັນ​ທຸກ​ເຮືອ​ບິນ​ໄດ້​ປະ​ມານ 30 ລຳ. ວຽກ​ງານ​ອອກ​ແບບ​ກຳ​ປັ່ນ​ບັນ​ທຸກ​ເຮືອ​ບິນ​ລຳ​ດັ່ງ​ກ່າວ​ໄດ້​ເລີ່ມ​ຕົ້ນ​ໃນ​ປີ 1999, ໄດ້​​ປ່ອຍລົງ​ນ້ຳ​ຢ່າງ​ເປັນ​ທາງ​ການ​ໃນ​ເດືອນ​ສິງ​ຫາ​ປີ 2013. ໃນ​ຂະ​ບວນ​ການ​ຜະ​ລິດ, ຍ້ອນ​ຕົ້ນ​ທຶນ​ສູງ​ຂຶ້ນ​ແລະປະ​ສົບ​ຄວາມ​ຫຍຸ້ງ​ຍາກ​ໃນ​ການ​ຈັດ​ຊື້​ອຸ​ປະ​ກອນ, ​ທັງຂາດ​ເຂີນ​ບົດ​ຮຽນ​ດ້ານ​ການ​ຜະ​ລິດ ແລະ​ສາ​ເຫດ​ອື່ນໆ, ​ຈຶ່ງ​ເຮັດ​ໃຫ້​ການ​ຜະ​ລິດ​​ຖືກ​ແກ່​ຍາວຫຼາຍ​ເທື່ອ​ກ່ອນ​ຈະ​ສຳ​ເລັດ​ຜົນ.

ຄຳ​ເຫັນ

0