ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສົມເດັດ ມະຫາ ວະຊິຣາລົງກອນ ເຈົ້າຊີວິດລາຊະອານາຈັກໄທໄດ້ມີພະລາຊະໂອງການອະນຸມັດແຕ່ງຕັ້ງຄະນະລັດຖະບານຊຸດໃໝ່ຂອງໄທ ໃນວັນທີ 10 ກໍລະກົດນີ້. ຖືວ່າ ລັດຖະບານຊຸດໃໝ່ໄດ້ຮັບການສ້າງຕັ້ງຂຶ້ນຢ່າງເປັນທາງການຫຼັງການເລືອກຕັ້ງທົ່ວໄປຂອງໄທ.
ບັນຊີລາຍຊື່ຄະນະລັດຖະບານຊຸດໃໝ່ປະກອບມີ 36 ທ່ານ, ໃນນີ້, ທ່ານປຣະຢຸດຈັນໂອຊາ ດຳລົງຕຳແໜ່ງເປັນນາຍົກລັດຖະມົນຕີອີກສະໄໝໜຶ່ງ, ທ່ານປຣະວິດ ວົງສຸວັນ, ທ່ານສົມຄິດ ຈະຕຸສີພິທັກ ແລະທ່ານວິສະນຸ ເຄືອງາມ ທີ່ເປັນອະດີດຮອງນາຍົກລັດຖະມົນຕີໄດ້ດຳລົງຕຳແໜ່ງຄືເກົ່າ. ແຕ່ວ່າ ຕຳແໜ່ງລັດຖະມົນຕີກະຊວງປ້ອງກັນປະເທດທີ່ແຕ່ເດີມແມ່ນທ່ານປຣະວິດ ວົງສຸວັນ ອະດີດຮອງນາຍົກລັດຖະມົນຕີດຳລົງຕຳແໜ່ງນັ້ນ ແມ່ນໃຫ້ທ່ານປຣະຢຸດຈັນໂອຊາ ນາຍົກລັດຖະມົນຕີດຳລົງຕຳແໜ່ງແທນ.
ທ່ານສຸຣິນ ລັກສະນະວິສິດ ຫົວໜ້າພັກປະຊາທິປັດດຳລົງຕຳແໜ່ງເປັນ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການຄ້າ. ທ່ານອະນຸທິນ ຊານ ວິຣະກຸນ ຫົວໜ້າພັກພູມໃຈໄທ ດຳລົງຕຳແໜ່ງເປັນຮອງນາຍົກລັດຖະມົນຕີທັງເປັນລັດຖະມົນຕີກະຊວງສາທາລະນະສຸກ, ທ່ານ ອຸດຕະມະ ສາວະນາຍົນ ຫົວໜ້າພັກພະລັງປະຊາລັດ, ອະດີດລັດຖະມົນຕີກະຊວງອຸດສາຫະກຳໄທດຳລົງຕຳແໜ່ງເປັນລັດຖະມົນຕີກະຊວງການເງິນ.
ສຳລັບຕຳແໜ່ງລັດຖະມົນຕີກະຊວງການຕ່າງປະເທດທີ່ໄດ້ຮັບຄວາມສົນໃຈຈາກຕ່າງປະເທດຕະຫຼອດມາໃນກ່ອນໜ້ານີ້, ຍັງແມ່ນທ່ານ ດອນ ປຣະມັດວິໄນ ດຳລົງຕຳແໜ່ງຄືເກົ່າ.
ຄຳເຫັນ
0