ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແຫຼ່ງຂ່າວຈາກກົງສຸນໃຫຍ່ຈີນປະຈຳໂກຕາ ກີນາບາລູ ປະເທດມາເລເຊຍໃຫ້ຮູ້ໃນວັນທີ 10 ກໍລະກົດນີ້ວ່າ: ຄອບຄົວຂອງພົນລະເມືອງຈີນສອງຄົນທີ່ເສຍຊີວິດຢູ່ກູລາປວນ ລັດຊາບາ ປະເທດມາເລເຊຍໃນວັນທີ 5 ກໍລະກົດນີ້ ໄດ້ເດີນທາງເຖິງລັດຊາບາແລ້ວ. ປັດຈຸບັນ, ຄະດີດັ່ງກ່າວພວມສືບສວນ-ສອບສວນຢູ່, ຜູ້ບັນຊາເຮືອແລະແອດເຮືອຂອງເຮືອທ່ອງທ່ຽວທີ່ບັນທຸກຜູ້ປະສົບໄພເສຍຊີວິດນັ້ນກໍຖືກກັກຕົວເພື່ອສອບປາກຄຳ.
ກົງສຸນໃຫຍ່ຈີນໃຫ້ຮູ້ຕື່ມວ່າ: ສື່ມວນຊົນທ້ອງຖິ່ນລາຍງານວ່າ ໄດ້ພົບສະເກັດລະເບີດທີ່ປະກອບຂຶ້ນເອງຢູ່ເຂດທະເລເກີດເຫດ, ບວກກັບສະພາບອື່ນໆ ເຊັ່ນ: ອຸປະກອນດຳນ້ຳຂອງຜູ້ປະສົບເຄາະຮ້າຍຖືກທຳລາຍຢ່າງໜັກໜ່ວງ, ເຂດບໍລິເວນອ້ອມແອ້ມມີປາຕາຍຈຳນວນຫຼວງຫຼາຍ, ຫາດປະກາລັງຢູ່ພື້ນທະເລຖືກທຳລາຍຢ່າງໜັກໜ່ວງ ແລະອື່ນໆ.
ກົງສຸນໃຫຍ່ຈີນໄດ້ປະສານງານກັບສຳນັກງານຕຳຫຼວດລັດຊາບາ ແລະຫ້ອງການຕຳຫຼວດເມືອງເຊມປໍນາ ເພື່ອຊອກຮູ້ຄວາມຄືບໜ້າຂອງຄະດີດັ່ງກ່າວ ທັງຮຽກຮ້ອງໃຫ້ເຈົ້າໜ້າທີ່ຕຳຫຼວດທ້ອງຖິ່ນຈົ່ງສືບສວນຄະດີໂດຍໄວ ແລະ ເປີດເຜີຍຄວາມເປັນຈິງຂອງຄະດີອີກດ້ວຍ.
ເວລາປະມານ 18:00 ໂມງຂອງວັນທີ 5 ກໍລະກົດນີ້, ພົນລະເມືອງຈີນ 2 ຄົນ ແລະ ຄູຝຶກດຳນ້ຳທ້ອງຖິ່ນຄົນໜຶ່ງ ໄດ້ປະສົບເຄາະຮ້າຍເສຍຊີວິດໃນຂະນະທີ່ດຳນ້ຳຢູ່ເຂດທະເລໃກ້ເກາະກູລາປວນ ລັດຊາບາ ປະເທດມາເລເຊຍ ໂດຍສົງໄສວ່າຖືກແຮງລະເບີດເພື່ອໃຊ້ຈັບປາຢ່າງຜິດກົດໝາຍຂອງຄົນຫາປາຢູ່ບໍລິເວນໃກ້ຄຽງ.
ຄຳເຫັນ
0