ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມລັດຖະມົນຕີກະຊວງປ້ອງກັນປະເທດອາຊຽນຄັ້ງທີ 13 ໄດ້ຈັດຂຶ້ນແຕ່ວັນທີ 10-12 ກໍລະກົດນີ້ຢູ່ນະຄອນຫຼວງບາງກອກປະເທດໄທ ໂດຍເນັ້ນຫົວຂໍ້ “ຄວາມໝັ້ນຄົງທີ່ຍືນຍົງ”, ທ່ານປຣະວິດ ວົງສຸວັນ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງປ້ອງກັນປະເທດໄທເປັນປະທານກອງປະຊຸມ ແລະ ກ່າວຄຳປາໄສໃນວັນທີ 10 ເດືອນດຽວກັນ.
ກ່ອນໜ້ານີ້, ໂຄສົກກະຊວງປ້ອງກັນປະເທດໄທ ກ່າວວ່າ: ກອງປະຊຸມຄັ້ງນີ້ຖືເປັນໂອກາດທີ່ດີສຳລັບບັນດາປະເທດໃນອາຊຽນໃນການເພີ່ມທະວີການຮ່ວມມືດ້ານການທະຫານ ເຊິ່ງບັນດາລັດຖະມົນຕີກະຊວງປ້ອງກັນປະເທດຈະປຶກສາຫາລືກ່ຽວກັບບັນຫາຕ່າງໆ ເຊັ່ນ: ການຮ່ວມມືດ້ານຄວາມໝັ້ນຄົງ, ບັນຫາຊາຍແດນ, ການຊ່ວຍເຫຼືອດ້ານແພດທະຫານ ແລະອື່ນໆ. ນອກນີ້, ຍັງຈະປຶກສາຫາລືຫົວຂໍ້ຕ່າງໆ ເຊັ່ນ: ອາຊຽນເປີດກວ້າງການຮ່ວມມືກັບຈີນ, ຍີ່ປຸ່ນ, ສ.ເກົາຫຼີ, ອົສຕຣາລີ, ນູແວນເຊລັງ, ອິນເດຍ, ຣັດເຊຍ ແລະ ອາເມຣິກາ ແລະຫົວຂໍ້ອື່ນໆ. ໂຄສົກທ່ານນີ້ຍັງເປີດເຜີຍວ່າ: ກອງປະຊຸມລັດຖະມົນຕີກະຊວງປ້ອງກັນປະເທດອາຊຽນເປີດກວ້າງຈະຈັດຂຶ້ນໃນທ້າຍປີນີ້ ເຊິ່ງຕົ້ນຕໍຈະປຶກສາຫາລືຫົວຂໍ້ຕ່າງໆ ເຊັ່ນ: ການເສີມຂະຫຍາຍຄວາມໄວ້ເນື້ອເຊື່ອໃຈກັນ, ການເພີ່ມທະວີການຮ່ວມມືດ້ານການຫຼຸດຜ່ອນໄພພິບັດ ແລະ ການຕ້ານການກໍ່ການຮ້າຍ.
ຄຳເຫັນ
0