ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ກໍລະນີທີ່ບາງປະເທດຮ່ວມກັນສົ່ງສານເຖິງສະພາສິດທິມະນຸດຂອງອົງການສະຫະປະຊາຊາດເມື່ອບໍ່ດົນມານີ້ ເພື່ອຕຳໜິນະໂຍບາຍເຂດຊິນຈ່ຽງຂອງຈີນ, ທ່ານເກິງສວງ ໂຄສົກກະຊວງການຕ່າງປະເທດຈີນ ໄດ້ກ່າວໃນກອງປະຊຸມຖະແຫຼງຂ່າວໃນວັນທີ 11 ກໍລະກົດນີ້ວ່າ: ປະເທດທີ່ກ່ຽວຂ້ອງບໍ່ໄດ້ເອົາຫົວໃສ່ໃຈຊາຕໍ່ຄວາມເປັນຈິງ ຍັງໄດ້ຕຳໜິ, ກ່າວໂຈມຕີແລະໃສ່ຮ້າຍປ້າຍສີຈີນຢ່າງໄຮ້ເຫດຜົນ ທັງຫັນປ່ຽນບັນຫາສິດທິມະນຸດໃຫ້ເປັນບັນຫາການເມືອງຢ່າງບັງອາດ, ແຊກແຊງວຽກງານພາຍໃນຂອງຈີນຢ່າງບັງອາດ ຈີນສະແດງຄວາມບໍ່ພໍໃຈທີ່ສຸດແລະຄັດຄ້ານຢ່າງເດັດດ່ຽວ.
ທ່ານເກິງສວງ ກ່າວວ່າ: ຈີນໄດ້ຕໍ່ວ່າປະທ້ວງຕໍ່ປະເທດທີ່ກ່ຽວຂ້ອງຢ່າງເຄັ່ງຂຶມ ເຕືອນໃຫ້ປະເທດເຫຼົ່ານີ້ຕ້ອງເຄົາລົບຄວາມເປັນຈິງ, ປະລະຄວາມອະຄະຕິ, ເຄົາລົບຈຸດປະສົງແລະຫຼັກການຂອງກົດບັດອົງການສະຫະປະຊາຊາດ, ຢຸດຕິການຫັນປ່ຽນບັນຫາສິດທິມະນຸດໃຫ້ເປັນບັນຫາການເມືອງ ແລະ ອ້າງບັນຫາເຂດຊິ່ນຈ່ຽງເພື່ອຫວັງເຂົ້າແຊກແຊງວຽກງານພາຍໃນຂອງຈີນ. ວຽກງານເຂດຊິ່ນຈ່ຽງເປັນພຽງວຽກງານພາຍໃນຂອງຈີນເທົ່ານັ້ນ ເຊິ່ງກ່ຽວພັນເຖິງສິດອະທິປະໄຕ, ຄວາມໝັ້ນຄົງ ແລະ ຜືນແຜ່ນດິນອັນຄົບຖ້ວນຂອງຈີນ. ໃນບັນຫາເຂດຊິ່ນຈ່ຽງ, ຜູ້ທີ່ມີສິດປາກເວົ້າມີພຽງແຕ່ລັດຖະບານແລະປະຊາຊົນຈີນເທົ່ານັ້ນ ຈີນຫ້າມປະເທດໃດໆແລະອິດທິກຳລັງພາຍນອກເຂົ້າແຊກແຊງຢ່າງເດັດຂາດ.
ນອກນີ້, ທ່ານເກິງສວງຍັງກ່າວຕື່ມວ່າ: ຈີນຍິນດີຕ້ອນຮັບບຸກຄົນທີ່ຍຶດຖືຫຼັກການຢ່າງພາວະວິໄສ ແລະ ຫຼັກການແຫ່ງຄວາມຍຸດຕິທຳຢ່າງແທ້ຈິງນັ້ນມາທຽວເບິ່ງຢູ່ເຂດຊິ່ນຈ່ຽງ ແຕ່ຈີນເດັດດ່ຽວຄັດຄ້ານອິດທິກຳລັງພາຍນອກໃດໆທີ່ຫວັງເຂົ້າແຊກແຊງວຽກງານພາຍໃນຂອງຈີນ, ທຳລາຍສິດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຈີນ ໂດຍອ້າງບັນຫາເຂດຊິ່ນຈ່ຽງບັງໜ້າ.
ຄຳເຫັນ
0