ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 12 ກໍລະກົດນີ້, ກອງປະຊຸມສຳມະນາກ່ຽວກັບການເປີດປະຕູດ້ານການທະນາຄານທີ່ອວ່າຍໜ້າໄປສູ່ອາຊຽນເພື່ອຮ່ວມກັນຊຸກຍູ້ການພັດທະນາເຂດກວາງຊີ ໄດ້ຈັດຂຶ້ນທີ່ປັກກິ່ງ. ໃນກອງປະຊຸມສຳມະນາ, ອົງການປົກຄອງເຂດປົກຄອງຕົນເອງເຜົ່າຈ້ວງກວາງຊີໄດ້ເຊັນສັນຍາຮ່ວມມືຍຸດທະສາດກັບ 19 ຫົວໜ່ວຍເຊັ່ນສຳນັກງານໃຫຍ່ອົງການການທະນາຄານຄືທະນາຄານພັດທະນາຈີນເປັນຕົ້ນ, ແລະມະຫາວິທະຍາໄລເຢິນມິນຈີນ, ເພື່ອຮ່ວມກັນຊຸກຍູ້ໃຫ້ເຂດກວາງຊີສ້າງເປັນປ່ອງຢ້ຽມທີ່ອວ່າຍໜ້າໄປສູ່ເຂດອາຊຽນ.
ທ່ານເຊີນຫວູ, ປະທານອົງການປົກຄອງປະຊາຊົນເຂດປົກຄອງຕົນເອງເຜົ່າຈ້ວງກວາງຊີກ່າວວ່າ, ກວາງຊີມີພື້ນຖານ, ມີເງື່ອນໄຂ, ແລະມີຄວາມໝັ້ນໃຈທີ່ສາມາດສ້າງເປັນປ່ອງຢ້ຽມດ້ານການທະນາຄານທີ່ອວ່າຍໜ້າໄປສູ່ເຂດອາຊຽນ. ທ່ານກ່າວວ່າ, ກວາງຊີຈະເຕົ້າຮົມຊັບພະຍາກອນແລະກ້ອນກຳລັງ, ຄົ້ນຄວ້າແລະວາງແຜນການລະອຽດຕື່ມອີກ, ເພີ່ມທະວີການຮ່ວມມືກັບພາຍນອກ, ຊຸກຍູ້ການປະດິດສ້າງໃໝ່ໃນດ້ານກົນໄກແລະໂຄງປະກອບ, ສ້າງເວທີສຳຄັນໃຫ້ໜັກແໜ້ນ. ໃນນັ້ນ ລວມທັງການສ້າງເຂດທະນາຄານຈີນ-ອາຊຽນ, ຕັ້ງໜ້າສ້າງກົນໄກແລກປ່ຽນແລະຮ່ວມມືທີ່ເປັນປົກກະຕິກັບປະເທດອາຊຽນ, ແຂວງກວາງຕຸ້ງ, ເຂດຮົງກົງ, ມາເກົາແລະໄຕ້ຫວັນ, ສ້າງເຂດສາທິດການປະດິດສ້າງໃໝ່ການທະນາຄານຂ້າມຊາດຈີນ-ອາຊຽນ, ແລະສ້າງສູນການທະນາຄານເງິນຢວນທີ່ມີລັກສະນະເຂດແຄວ້ນທີ່ອວ່າຍໜ້າສູ່ເຂດອາຊຽນ.
ຄຳເຫັນ
0