ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ກໍລະກົດນີ້, ສຳນັກຂ່າວສານທາສນີມອີຣານໄດ້ລາຍງານວ່າ: ທ່ານກຣານ ອະຢາໂທລາ ເຊເຢດ ອະລີ ຮາແມເນຍ ຜູ້ນຳສູງສຸດອີຣານໄດ້ກ່າວປະນາມຢ່າງສຸນແຮງຕໍ່ອັງກິດທີ່ກັກກຳປັ່ນບັນທຸກນ້ຳມັນອີຣານ ແລະຮຽກຮ້ອງໃຫ້ອັງກິດປ່ອຍກຳປັ່ນທັນທີ, ຖ້າບໍ່ປະຕິບັດຕາມນີ້ອີຣານກໍຈະຕອບໂຕ້ຄືນ.
ທ່ານຍັງກ່າວຕຳໜິບັນດາປະເທດເອີຣົບທີ່ກ່ຽວຂ້ອງທີ່ບໍ່ປະຕິບັດຕາມຄຳໝັ້ນສັນຍາໃນສັນຍານິວເຄຼຍອີຣານ, ເມື່ອອີຣານໄດ້ຢຸດຕິປະຕິບັດຕາມສັນຍາດັ່ງກ່າວແລ້ວ ບັນດາປະເທດເອີຣົບຊ້ຳພັດບໍ່ປະຕິບັດຕາມຄຳໝັ້ນສັນຍາຂອງຕົນແຕ່ຍັງຕຳໜິຕິຕຽນອີຣານອີກດ້ວຍ.
ໃມຕົ້ນເດືອນນີ້, ເຈົ້າໜ້າທີ່ເຂດກີໂບລທາອັງກິດໄດ້ກັກກຳປັ່ນບັນທຸກນ້ຳມັນ “Grace 1” ຂອງອີຣານພາຍໃຕ້ການຊ່ວຍເຫຼືອຂອງກອງທັບເຮືອອັງກິດ ແລະກ່າວວ່າ: ກຳປັ່ນ “Grace 1” ໄດ້ລະເມີດຄຳສັ່ງຂວ້ຳບາດຂອງສະຫະພາບເອີຣົບ ແລະສົ່ງນ້ຳມັນດິບໃຫ້ຊີຣີ. ຝ່າຍອັງກິດບໍ່ຮັບຮອງວ່າການກະທຳດັ່ງກ່າວເປັນການປະຕິບັດຕາມອາເມຣິກາເພື່ອຂວ້ຳບາດຕໍ່ອີຣານ ແລະສະແດງໃຫ້ເຫັນວ່າຈະສະໜັບສະໜູນການຮັກສາສັນຍານິວເຄຼຍອີຣານ.
ຄຳເຫັນ
0