ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງບໍ່ດົນມານີ້, ເອກອັກຄະລັດຖະທູດຂອງ 37 ປະເທດປະຈຳເຊີແນວເຊັ່ນ: ຣັດເຊຍ ຊາອຸດີອາຣາບີ ແລະປາກີສະຖານເປັນຕົ້ນໄດ້ລົງລາຍເຊັນຮ່ວມກັນສົ່ງຈົດໝາຍໄປເຖິງປະທານສະພາສິດທິມະນຸດອົງການສະຫະປະຊາຊາດແລະຂ້າຫຼວງໃຫຍ່ດ້ານວຽກງານສິດທິມະນຸດ, ໄດ້ຕີລາຄາຢ່າງຕັ້ງໜ້າຕໍ່ຜົນສຳເລັດໃນການປະຕິບັດພາລະກິດສິດທິມະນຸດ ພ້ອມດ້ວຍໝາກຜົນຂອງການຕໍ່ຕ້ານການກໍ່ການຮ້າຍແລະການປອດກຸ່ມຫົວຮຸນແຮງຂອງເຂດຊີນຈ່ຽງ. ນີ້ສະແດງໃຫ້ເຫັນວ່າ: ປະຊາຄົມໂລກມີການຕີລາຄາຢ່າງຍຸຕິທຳຕໍ່ການພັດທະນາຂອງເຂດຊີນຈ່ຽງ, ເຈດຕະນາຂອງບາງປະເທດຕາເວັນຕົກທີ່ອ້າງເອົາ “ສິດທິມະນຸດ”ມາໃສ່ຮ້າຍປ້າຍສີເຂດຊີນຈ່ຽງແລະໃຊ້ຄວາມກົດດັນຕໍ່ຈີນນັ້ນຈະບໍ່ໄດ້ຮັບຜົນຢ່າງແນ່ນອນ, ພວກເຂົາເຈົ້າຄວນຖອດຖອນບົດຮຽນຕໍ່ຕ້ານການກໍ່ການຮ້າຍຂອງເຂດຊີນຈ່ຽງ ມາແກ້ໄຂຄວາມຫຍຸ້ງຍາກຂອງຕົນ.
ສິ່ງທີ່ໜ້າສົນໃຈນັ້ນແມ່ນ: ໃນ 37 ປະເທດທີ່ລົງລາຍເຊັນຮ່ວມກັນນັ້ນ ມີຈຳນວນບໍ່ໜ້ອຍແມ່ນປະເທດອິສລາມ, ໃນນັ້ນ, ມີເຈົ້າໜ້າທີ່ການທູດຂອງບາງປະເທດເຄີຍໄປຢາມເຂດຊີນຈ່ຽງໃນເດືອນມິຖຸນາປີນີ້, ໄດ້ເຫັນກັບຕາຕໍ່ສະພາບປັດຈຸບັນຂອງເຂດຊີນຈ່ຽງຄືເສດຖະກິດໃນການພັດທະນາຢ່າງວ່ອງໄວ ສັງຄົມມີຄວາມປອງດອງແລະໝັ້ນຄົງ. ການຕີລາຄາຂອງພວກເຂົາເຈົ້າທີ່ມີຕໍ່ເຂດຊີນຈ່ຽງໜ້າເຊື່ອຖືໄດ້. ນີ້ໄດ້ເຮັດໃຫ້ການໃສ່ຮ້າຍປ້າຍສີແລະການຕຳໜິຕິຕຽນຂອງ 22 ປະເທດທີ່ມີປະເທດເອີລົບເປັນຫຼັກ ທີ່ມີຕໍ່ນະໂຍບາຍດ້ານສາລະໜາແລະສິດທິມະນຸດຂອງເຂດຊີນຈ່ຽງນັ້ນເສຍຈຸດຢືນແທ້ໆ. ປະເທດເຫຼົ່ານີ້ພຽງແຕ່ຍົກປ້າຍ “ສິດທິມະນຸດ”, ໃຊ້ນະໂຍບາຍສອງໜ້າໃນບັນຫາຄວາມຮຸນແຮງແລະການກໍ່ການຮ້າຍ, ນຳໃຊ້ບັນຫາຊີນຈ່ຽງມາແຊກແຊງວຽກງານພາຍໃນຂອງຈີນຢ່າງເປີດແປນແລະຮ້າຍກາດທີ່ສຸດ.
ນັບແຕ່ຊຸມປີ 1990 ເປັນຕົ້ນມາ, ອິດທິກຳລັງສາມແງ່ຂອງຊິ່ນຈ່ຽງ ຄື: ອິດທິກຳລັງແບ່ງແຍກຊາດ, ອິດທິກຳລັງຫົວຮຸນແຮງດ້ານສາສະໜາແລະອິດທິກຳລັງກໍ່ການຮ້າຍດ້ວຍຄວາມຮຸນແຮງໄດ້ ກໍ່ການຮ້າຍຢ່າງຮຸນແຮງຂຶ້ນເລື້ອຍໆ ເຊິ່ງເຮັດໃຫ້ປະຊາຊົນເສຍຊີວິດແລະບາດເຈັບຢ່າງຫຼວງຫຼາຍ ແລະໄດ້ທຳລາຍການພັດທະນາເສດຖະກິດສັງຄົມຂອງຊິ່ນຈ່ຽງ. ການຕໍ່ຕ້ານລັດທິກໍ່ການຮ້າຍແລະການກຳຈັດລັດທິຫົວຮຸນແຮງເປັນບັນຫາຫຍຸ້ງຍາກສຳລັບທົ່ວໂລກ. ຈີນໄດ້ຄົ້ນຄວ້າມາດຕະການຕ້ານການກໍ່ການຮ້າຍທີ່ມີລັກສະນະປ້ອງກັນລ່ວງໜ້າເຊັ່ນ:ສ້າງຕັ້ງສູນສຶກສາອົບຮົມຢູ່ຊິນຈ່ຽງແລະອື່ນໆ ໂດຍຖືເອົາວຽກງານປົກປ້ອງສິດທິມະນຸດແລະການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນໄປປະສານສົມທົບກັບວຽກງານຕໍ່ຕ້ານລັດທິກໍ່ການຮ້າຍແລະລັດທິຫົວຮຸນແຮງ ເຊິ່ງໄດ້ຖືກຍອມຮັບໂດຍທົ່ວໄປຈາກປະຊາຄົມໂລກ. ລາວ, ແຊກບີແລະປະເທດອື່ນໆຢືນຢັນວ່າ ການທີ່ປະເທດຕາເວັນຕົກເອີ້ນ “ສູນສຶກສາອົບຮົມ” ວ່າເປັນ “ຄ້າຍສຶກສາຄືນໃໝ່” ນັ້ນເປັນການໃສ່ຮ້າຍປ້າຍສີ.ບົດຮຽນຂອງຊິ່ນຈ່ຽງຈີນໃນການຕ້ານການກໍ່ການຮ້າຍແລະກຳຈັດລັດທິຫົວຮຸນແຮງນັ້ນເປັນສິ່ງທີ່ປະຊາໂຄມໂລກຄວນຖອດຖອນແລະຮ່ຳຮຽນເອົາ. ທ່ານວລາດີເມຍ ອິວານໂນວິສ ໂວຣອນຄົຟ ຮອງເລຂາທິການໃຫຍ່ວຽກງານຕ້ານການກໍ່ການຮ້າຍຂອງອົງການສະຫະປະຊາຊາດໄດ້ເດີນທາງໄປຢ້ຽມຢາມຊິ່ນຈ່ຽງໃນກາງເດືອນມິຖຸນາຜ່ານມາ,ທັງໄດ້ລົງເລິກແລກປ່ຽນຄວາມຄິດຄວາມເຫັນກັບເຈົ້າໜ້າທີ່ຈີນໂດຍປິ່ນອ້ອມສະພາບການຕໍ່ຕ້ານການກໍ່ການຮ້າຍໃນສາກົນ, ເພີ່ມທະວີການຮ່ວມມືເພື່ອຕໍ່ຕ້ານການກໍ່ການຮ້າຍແລະບັນຫາອື່ນໆ.
ລັດທິກໍ່ການຮ້າຍແລະລັດທິຫົວຮຸນແຮງເປັນສິ່ງທ້າທາຍທີ່ທົ່ວໂລກກຳລັງຜະເຊີນຮ່ວມກັນ, ປະເທດຕາເວັນຕົກກໍໄດ້ຮັບຜົນເສຍຫາຍຢ່າງຫຼວງຫຼາຍຈາກເລື່ອງນີ້ເຊັ່ນກັນ.ຖ້າວ່າໃຊ້ນະໂຍບາຍສອງໜ້າໃນບັນຫາກ່ຽວກັບການກໍ່ການຮ້າຍດ້ວຍຄວາມຮຸນແຮງ ພຽງແຕ່ຈະສ້າງຜົນເສຍຫາຍໃຫ້ຕົວເອງເທົ່ານັ້ນ, ຊິ່ນຈ່ຽງຈະດີຫຼືບໍ່ດີ, ປະຊາຊົນຊິ່ນຈ່ຽງເປັນຜູ້ທີ່ມີສິດອອກຄຳເຫັນຫຼາຍທີ່ສຸດ, ປະເທດຕາເວັນຕົກບໍ່ມີສິດຕຳໜິວິຈານແບບຂາດຄວາມຮັບຜິດຊອບ ແລະກົນອຸບາຍຂອງປະເທດຕາເວັນຕົກທີ່ເຈດຕະນາຢາກແຊກແຊງວຽກງານພາຍໃນຂອງຈີນດ້ວຍຂໍ້ອ້າງດັ່ງກ່າວນັ້ນຈະບໍ່ປະສົບຜົນສຳເລັດແນ່ນອນ. ກົງກັນຂ້າມ,ບາງປະເທດຕາເວັນຕົກຄວນເດີນທາງໄປຊິ່ນຈ່ຽງເພື່ອໄປຢ້ຽມຢາມ, ໄປເບິ່ງແລະຖອດຖອນບົດຮຽນດ້ານການຕໍ່ຕ້ານການກໍ່ການຮ້າຍຂອງຈີນເພື່ອເອົາໄປນຳໃຊ້ໃນການແກ້ໄຂບັນຫາການຕ້ານການກໍ່ການຮ້າຍຂອງປະເທດຕົນ.
ຄຳເຫັນ
0