ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກໍລະກົດນີ້, ເວທີປຶກສາຫາລືດ້ານວັດທະນະທຳຊົນເຜົ່າຈີນ-ອາຊຽນຄັ້ງທີ 4 ໄດ້ຈັດຂຶ້ນຢູ່ນະຄອນກຸ້ຍລິນເຂດປົກຄອງຕົນເອງເຜົ່າຈ້ວງກວາງຊີ ພາຍໃຕ້ຫົວຂໍ້ “ການຮ່ວມມືເຂດແຄວ້ນ ແລະການພັດທະນາຮ່ວມກັນດ້ານວັດທະນະທຳຊົນເຜົ່າຈີນ-ອາຊຽນ” ເຊິ່ງໄດ້ດຶງດູດຜູ້ຊ່ຽວຊານ ແລະແຂກຜູ້ມີກຽດຫຼາຍກວ່າ 150 ຄົນຈາກຈີນ, ກຳປູເຈຍ, ລາວ, ມາເລເຊຍ, ມຽນມາ, ໄທ, ຟິລິບປິນ, ຫວຽດນາມ, ອິນໂດເນເຊຍ, ບຣູໄນ, ອິນເດຍ, ຍີ່ປຸ່ນ ແລະປະເທດອື່ນໆເຂົ້າຮ່ວມ.
ໃນເວທີປຶກສາຫາລືດັ່ງກ່າວ, ຜູ້ຊ່ຽວຊານໄດ້ປຶກສາຫາລື ແລະແລກປ່ຽນບົດຮຽນເຊິ່ງກັນ ແລະກັນຢ່າງເລິກເຊິ່ງ ແລະຮອບດ້ານ ເຊິ່ງມີ 3 ຫົວຂໍ້ຕົ້ນຕໍ ຄື: ການແລກປ່ຽນ ແລະແບ່ງປັນວັດທະນະທຳຊົນເຜົ່າຂອງ “ໜຶ່ງແລວໜຶ່ງເສັ້ນທາງ”, ການທ່ອງທ່ຽວວັດທະນະທຳ ແລະການພັດທະນາແບບສີຂຽວ ກໍຄື ການທ່ອງທ່ຽວວັດທະນະທຳຊົນເຜົ່າ ແລະການພັດທະນາຂອງຕົວເມືອງ (ຕົວຢ່າງ: ນະຄອນກຸ້ຍລິນ).
ຄຳເຫັນ
0