ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກໍລະກົດນີ້, ທ່ານອູໄຫທ່າວ, ຮອງຜູ້ຕາງໜ້າຖາວອນຈີນປະຈຳອົງການສະຫະປະຊາຊາດກ່າວວ່າ, ສະພາຄວາມໝັ້ນຄົງອົງການສະຫະປະຊາຊາດຄວນເພີ່ມຄວາມພະຍາຍາມເພື່ອແກ້ໄຂບັນຫາເຂດຈຸດສຸມຢູ່ພາກພື້ນ, ສ້າງສະພາບແວດລ້ອມທີ່ມີສັນຕິພາບແລະຄວາມສະຫງົບໃຫ້ແກ່ການເຕີບໂຕຂອງຊາວໜຸ່ມເຍົາວະຊົນ.
ໃນກອງປະຊຸມເປີດປະຕູກ່ຽວກັບບັນຫາຊາວໜຸ່ມ, ສັນຕິພາບແລະຄວາມປອດໄພຂອງສະພາຄວາມໝັ້ນຄົງທີ່ຈັດຂຶ້ນໃນວັນທີ 17 ກໍລະກົດນີ້, ທ່ານອູໄຫທ່າວກ່າວວ່າ, ສະພາຄວາມໝັ້ນຄົງອົງການ ສປຊ ຄວນຊ່ວຍເຫຼືອປະເທດທີ່ກ່ຽວຂ້ອງທີ່ມີການປະທະກັນຊຸກຍູ້ໃຫ້ມີຂະບວນການສັນຕິພາບໂດຍຜ່ານວິທີທາງການເມືອງເຊັ່ນປ້ອງກັນລ່ວງໜ້າແລະແກ້ໄຂການປະທະກັນບົນພື້ນຖານຈຸດປະສົງແລະຫຼັກການຂອງກົດບັດສະຫະປະຊາຊາດແລະການມອບສິດຂອງຕົນ, ເພື່ອສ້າງສະພາບແວດລ້ອມທີ່ມີສັນຕິພາບແລະຄວາມສະຫງົບໃຫ້ແກ່ການເຕີບໂຕຂອງຊາວໜຸ່ມເຍົາວະຊົນ.
ທ່ານອູໄຫທ່າວ ກ່າວຕື່ມວ່າ, ຄວນພິຈາລະນາເຖິງປັດໄຈກ່ຽວກັບຊາວໜຸ່ມຢ່າງສົມບູນໃນຂະບວນການແກ້ໄຂບັນຫາຈຸດສຸມດ້ານການເມືອງ, ຮັບປະກັນໃຫ້ຊາວໜຸ່ມສາມາດເຂົ້າຮ່ວມຂະບວນການສັນຕິພາບຂອງປະເທດຕົນຢ່າງມີລັກສະນະສ້າງສັນ, ເສີມຂະຫຍາຍທ່າແຮງຂອງຊາວໜຸ່ມຢ່າງສົມບູນ, ຮັບຟັງຄຳຄິດຄຳເຫັນຂອງຊາວໜຸ່ມຢ່າງກວ້າງຂວາງ, ປ້ອງກັນບໍ່ໃຫ້ຊາວໜຸ່ມຖືກເບິ່ງຂ້າມ.
ຄຳເຫັນ
0