ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານເກິງສວງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 17 ກໍລະກົດນີ້ວ່າ: ຈີນມີຈຸດຢືນໃຫ້ແກ້ໄຂຄວາມຂັດແຍ້ງກັນດ້ານເສດຖະກິດການຄ້າລະຫວ່າງຈີນ-ອາເມຣິກາໂດຍຜ່ານການສົນທະນາແລະປຶກສາຫາລືກັນ ເຊິ່ງຈຸດຢືນນີ້ບໍ່ມີການປ່ຽນແປງແຕ່ຢ່າງໃດ ແລະ ມີຄວາມຈິງໃຈມາໂດຍຕະຫຼອດຕໍ່ການປຶກສາຫາລືດ້ານເສດຖະກິດການຄ້າ ຫວັງວ່າອາເມຣິກາຈະມີຄວາມຕັດສິນໃຈແລະ ພະຍາຍາມຮ່ວມກັບຈີນເພື່ອບັນລຸສັນຍາເສດຖະກິດການຄ້າແບບຕ່າງຝ່າຍຕ່າງມີຜົນປະໂຫຍດສະບັບໜຶ່ງ ບົນພື້ນຖານການເຄົາລົບເຊິ່ງກັນແລະກັນ ແລະ ປະຕິບັດຕໍ່ກັນຢ່າງສະເໝີພາບ.
ທ່ານໂດໂນ ທຣຳ ປະທານາທິບໍດີອາເມຣິກາໄດ້ກ່າວໃນວັນທີ 16 ກໍລະກົດນີ້ວ່າ: ອາເມຣິກາຢາກຈະບັນລຸສັນຍາການຄ້າກັບຈີນ ຍັງຕ້ອງເດີນຜ່ານເສັ້ນທາງທີ່ຍາວໄກ ແຕ່ຖ້າມີຄວາມຈຳເປັນ, ອາເມຣິກາອາດຈະຂຶ້ນພາສີຕໍ່ສິນຄ້ານຳເຂົ້າຈາກຈີນທີ່ມີມູນຄ່າ 325 ຕື້ໂດລາສະຫະລັດ. ທ່ານເກິງສວງໄດ້ຕອບຄຳຖາມຂອງນັກຂ່າວໃນກອງປະຊຸມຖະແຫຼງຂ່າວໂດຍຊີ້ອອກວ່າ: ຫວັງວ່າອາເມຣິກາຈະມີຄວາມຕັດສິນໃຈແລະພະຍາຍາມຮ່ວມກັບຈີນເພື່ອບັນລຸສັນຍາເສດຖະກິດການຄ້າແບບຕ່າງຝ່າຍຕ່າງມີຜົນປະໂຫຍດສະບັບໜຶ່ງ ບົນພື້ນຖານເຄົາລົບເຊິ່ງກັນແລະກັນ ແລະ ປະຕິບັດຕໍ່ກັນຢ່າງສະເໝີພາບ. ການທີ່ຝ່າຍອາເມຣິກາຂົ່ມຂູ່ວ່າຈະຂຶ້ນພາສີຕໍ່ສິນຄ້ານຳເຂົ້າຈາກຈີນນັ້ນ, ຈີນໄດ້ສະແດງຈຸດຢືນອັນເດັດດ່ຽວຂອງຕົນມາຫຼາຍເທື່ອແລ້ວວ່າຈະປົກປັກຮັກສາຜົນປະໂຫຍດຂອງຕົນ. ຖ້າວ່າອາເມຣິກາຂຶ້ນພາສີຮອບໃໝ່ ບໍ່ຕ້ອງສົງໄສເລີຍວ່າຈະເປັນການສ້າງສິ່ງກີດຂວາງທີ່ເປັນອຸປະສັກຕໍ່ການປຶກສາຫາລືລະຫວ່າງສອງຝ່າຍ ແລະ ຈະເຮັດໃຫ້ເສັ້ນທາງແຫ່ງການກ້າວເດີນສູ່ການບັນລຸສັນຍາສອງຝ່າຍຍິ່ງຍາວໄກກວ່າເກົ່າອີກ.
ຄຳເຫັນ
0