ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປີ 2019 ເປັນປີຄົບຮອບ 18 ປີທີ່ຈີນ-ຣັດເຊຍເຊັນສົນທິສັນຍາມິດຕະພາບແລະການຮ່ວມມືຖານບ້ານໃກ້ເຮືອນຄຽງ. ທ່ານເກີງສວງ ໂຄສົກກະຊວງການຕ່າງປະເທດຈີນກ່າວຢູ່ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 17 ກໍລະກົດນີ້ວ່າ: ສາຍພົວພັນຈີນ-ຣັດເຊຍທີ່ໄດ້ກ້າວເຂົ້າສູ່ຍຸກໃໝ່ຈະມີຄວາມໝັ້ນຄົງ, ເຂັ້ມແຂງແລະມີຊີວິດຊີວາຫຼາຍກວ່າເກົ່າ. ສອງຝ່າຍຈະສືບຕໍ່ປັບປຸງແລະລົງເລິກການປະສານງານຍຸດທະສາດຮອບດ້ານຢ່າງເດັດດ່ຽວໜຽວແໜ້ນ, ສຸມກຳລັງເຂົ້າໃນການບັນລຸໃຫ້ສອງປະເທດພັດທະນາແລະຈະເລີນຮຸ່ງເຮືອງຮ່ວມກັນ ແລະຮ່ວມມືກັນປົກປ້ອງຄວາມຍຸຕິທຳແລະຄວາມເປັນທຳຂອງສາກົນ ເພື່ອສ້າງກຳລັງທີ່ສ້າງສັນໃຫ້ໂລກຫຼາຍຂຶ້ນກວ່າເກົ່າ.
ຂ່າວແຈ້ງວ່າ: ວັນທີ 17 ກໍລະກົດນີ້, ທ່ານເຊີເກ ລາຟລົຟ ລັດຖະມົນຕີກະຊວງການຕ່າງປະເທດຣັດເຊຍໃຫ້ສຳພາດຕໍ່ນັກຂ່າວໂດຍໄດ້ກ່າວຕອບໂຕ້ຖ້ອຍຄຳທີ່ວ່າ “ຈີນເປັນໄພຂົ່ມຂູ່” ແລະກ່າວວ່າ: ສາຍພົວພັນຄູ່ປະສານງານຍຸດທະສາດຮອບດ້ານຣັດເຊຍ-ຈີນໄດ້ກ້າວເຂົ້າສູ່ຍຸກໃໝ່, ທິດທາງເສີມຂະຫຍາຍສາຍພົວພັນບ້ານໃກ້ເຮືອນຄຽງທີ່ດີຂອງສອງປະເທດເປັນທິດທາງຍາວນານແລະຮອບດ້ານ ເຊິ່ງຈະບໍ່ໄດ້ຮັບຜົນກະທົບຈາກເຫດການໃດໆຫຼືໄລຍະໃດໜຶ່ງກໍຕາມ, ການຮ່ວມມືລະຫວ່າງສອງປະເທດບໍ່ມີເຈດຕະນາຕໍ່ຝ່າຍທີສາມຢ່າງເດັດຂາດ ແຕ່ມີຈຸດປະສົງເພື່ອຊຸກຍູ້ການພັດທະນາແລະຄວາມຈະເລີນຮຸ່ງເຮືອງຂອງເສດຖະກິດສັງຄົມສອງປະເທດ ແລະສ້າງຄວາມຜາສຸກໃຫ້ແກ່ປະຊາຊົນສອງຊາດ.
ໃນເວລາໃຫ້ຄຳວິຈານຕໍ່ເລື່ອງນີ້, ທ່ານເກີງສວງກ່າວວ່າ: ຈີນຍ້ອງຍໍຊົມເຊີຍຢ່າງສູງຕໍ່ທ່ານລັດຖະມົນຕີກະຊວງການຕ່າງປະເທດລັຟລົຟທີ່ສະແດງທັດສະນະທ່າທີອັນຕັ້ງໜ້າຕໍ່ສາຍພົວພັນຈີນ-ຣັດເຊຍ. ໃນຊຸມປີມໍ່ໆມານີ້, ພາຍໃຕ້ການຊີ້ນຳດ້ານຍຸດທະສາດຂອງປະມຸກລັດສອງປະເທດ, ສາຍພົວພັນຈີນ-ຣັດເຊຍໄດ້ມີການພັດທະນາຢ່າງໃຫຍ່ຫຼວງແບບບໍ່ເຄີຍມີມາກ່ອນ, ການຮ່ວມມືໃນຂົງເຂດຕ່າງໆລ້ວນແຕ່ໄດ້ຮັບຜົນສຳເລັດອັນອຸດົມສົມບູນ. ເດືອນມິຖຸນາຜ່ານມາ, ທ່ານສີຈິ້ນຜິງ ປະທານປະເທດຈີນໄດ້ຢ້ຽມຢາມຣັດເຊຍທາງລັດຖະກິດແບບຄັ້ງປະຫວັດສາດຢ່າງສຳເລັດຜົນ, ການພົວພັນຈີນ-ຣັດເຊຍກຳລັງກ້າວເຂົ້າສູ່ຍຸກໃໝ່ດ້ວຍບາດກ້າວໃໝ່ທີ່ຍິ່ງໃຫຍ່ກວ່າເກົ່າເນື່ອງໃນໂອກາດສອງປະເທດສ້າງສາຍພົວພັນທາງການທູດຄົບຄອບ 70ປີ.
ຄຳເຫັນ
0