ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊີນຮວາ: ວັນທີ 17 ກໍລະກົດນີ້, ຢູ່ທີ່ເຊີແນວ, ທ່ານເຕດຣົສ ຜູ້ອຳນວຍການໃຫຍ່ອົງການອະນາໄມໂລກຖະແຫຼງວ່າ: ສະພາບຕິດເຊື້ອພະຍາດອີໂບຣາຢູ່ສາທາລະນະລັດປະຊາທິປະໄຕກົງໂກ(ກິນຊາຊາ) ໄດ້ກາຍເປັນເຫດສຸກເສີນ ທີ່ປະຊາຄົມໂລກຕ້ອງເອົາໃຈໃສ່.
ອົງການອະນາໄມໂລກໄດ້ຈັດກອງປະຊຸມຄະນະກຳມະການເຫດການສຸກເສີນກ່ຽວກັບສະພາບຕິດເຊື້ອພະຍາດອີໂບຣາຂອງສາທາລະນະລັດປະຊາທິປະໄຕກົງໂກ, ເຊິ່ງເປັນກອງປະຊຸມຄະນະກຳມະການເຫດການສຸກເສີນຄັ້ງທີ 4 ທີ່ຈັດຂຶ້ນເພື່ອຕິດຕາມສະພາບຕິດເຊື້ອຂອງປະເທດດັ່ງກ່າວແຕ່ເດືອນສິງຫາປີກາຍນີ້. ຫລັງກອງປະຊຸມ, ທ່ານເຕດຣົສກ່າວວ່າ, ທົ່ວໂລກຄວນເອົາໃຈໃສ່ຕໍ່ສະພາບຕິດເຊື້ອຄັ້ງນີ້, ແລະສາມັກຄີຮ່ວມມືກັບສາທາລະນະລັດປະຊາທິປະໄຕກົງໂກ, ເພື່ອກຳຈັດສະພາບຕິດເຊື້ອດັ່ງກ່າວໂດຍໄວ, ແລະສ້າງລະບົບສາທາລະນະສຸກທີ່ດີແລະສົມບູນກວ່າເກົ່າ.
ທ່ານໂຣເບີດ ສະເຕຟັນ ປະທານຄະນະກຳມະການເຫດການສຸກເສີນກ່າວເນັ້ນວ່າ, ປະເທດຕ່າງໆບໍ່ຄວນໃຊ້ມາດຕະການຈຳກັດການຄ້າແລະການທ່ອງທ່ຽວໂດຍອ້າງເອົາເຫດການຄັ້ງນີ້ທີ່ປະຊາຄົມໂລກຄວນເອົາໃຈໃສ່ຮ່ວມກັນ, ເພາະວ່າ ມາດຕະການຈຳກັດເຫຼົ່ານີ້ອາດຈະສ້າງຜົນກະທົບທາງລົບຕໍ່ຊີວິດການເປັນຢູ່ຂອງປະຊາຊົນໃນເຂດດັ່ງກ່າວ.
ຄຳເຫັນ
0