ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກໍລະກົດນີ້ ຢູ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກ, ທ່ານ ໂມຮາມັດ ຈາວັດ ຈາຣິຟ ລັດຖະມົນຕີກະຊວງການຕ່າງປະເທດອີຣານໄດ້ກ່າວປະນາມຕໍ່ອາເມຣິກາທີ່ໄດ້ຂວ້ຳບາດອີຣານທາງເສດຖະກິດ ໂດຍເຫັນວ່ານີ້ເປັນການນາບຂູ່ດ້ານລັດທິກໍ່ການຮ້າຍທາງເສດຖະກິດ,ທັງເປັນ “ການຂົ່ມຂູ່ທີ່ໃຫຍ່ທີ່ສຸດ” ຕໍ່ອີຣານແລະປະເທດອື່ນໆໃນການບັນລຸເປົ້າໝາຍແຫ່ງການພັດທະນາແບບຍືນຍົງ.
ທ່ານ ຈາຣິຟ ກ່າວໃນກອງປະຊຸມລະດັບລັດຖະມົນຕີຂອງເວທີປຶກສາຫາລືການເມືອງລະດັບສູງກ່ຽວກັບການພັດທະນາແບບຍືນຍົງຂອງອົງການສະຫະປະຊາຊາດທີ່ຈັດຂຶ້ນໃນມື້ດັ່ງກ່າວວ່າ: ປະຊາຊົນອີຣານໄດ້ຮັບການນາບຂູ່ດ້ວຍລັດທິກໍ່ການຮ້າຍທາງເສດຖະກິດທີ່ປ່າເຖື່ອນທີ່ສຸດແລະແນໃສ່ປະຊາຊົນທົ່ວໄປຜູ້ທີ່ບໍ່ມີຄວາມຜິດຫຍັງເພື່ອບັນລຸເປົ້າໝາຍທາງການເມືອງທີ່ຜິດກົດໝາຍ. ທ່ານ ຈາຣິຟ ໄດ້ກ່າວປະນາມຕໍ່ອາເມຣິກາທີ່ໄດ້ລະເມີດມະຕິຂອງສະພາຄວາມໝັ້ນຄົງສະຫະປະຊາຊາດ,ຂວ້ຳບາດທາງເສດຖະກິດນອກພາກພື້ນທີ່ຜິດກົດໝາຍຕໍ່ອີຣານ, “ເປັນການຂົ່ມຂູ່ທີ່ໃຫຍ່ທີ່ສຸດຕໍ່ອີຣານແລະປະເທດບ້ານໃກ້ເຮືອນຄຽງຫຼາຍປະເທດໃນການບັນລຸເປົ້າໝາຍແຫ່ງການພັດທະນາແບບຍືນຍົງ”.
ຄຳເຫັນ
0