ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກໍລະກົດນີ້ ຢູ່ນະຄອນຫຼວງປັກກິ່ງ, ທ່ານ ເວີ້ຍເຟີ້ງເຮີ ທີ່ປຶກສາແຫ່ງລັດທັງເປັນລັດຖະມົນຕີກະຊວງປ້ອງກັນປະເທດຈີນໄດ້ຕ້ອນຮັບຄະນະຜູ້ຕາງໜ້າອາຟຣິກາທີ່ມາເຂົ້າຮ່ວມກອງປະຊຸມເວທີປຶກສາຫາລືສັນຕິພາບແລະຄວາມໝັ້ນຄົງຈີນ-ອາຟຣິກາຄັ້ງທຳອິດ.
ທ່ານ ເວີ້ຍເຟີ້ງເຮີ ກ່າວວ່າ: ການຮ່ວມມືດ້ານສັນຕິພາບແລະຄວາມໝັ້ນຄົງແມ່ນເສົາຄ້ຳທີ່ສຳຄັນຂອງການພົວພັນລະຫວ່າງຈີນ-ອາຟຣິກາ,ເປັນການປະກອບສ່ວນທາງປະຫວັດສາດໃຫ້ແກ່ການສ້າງຕັ້ງແລະຂະຫຍາຍສາຍພົວພັນລະຫວ່າງສອງຝ່າຍ. ຈີນແລະອາຟຣິກາຄວນຈັດຕັ້ງປະຕິບັດຄວາມຮັບຮູ້ຢ່າງເປັນເອກະພາບທີ່ສຳຄັນລະຫວ່າງທ່ານປະທານສີຈິ້ນຜິງກັບຜູ້ນຳຝ່າຍອາຟຣິກາໃຫ້ດີ,ຊຸກຍູ້ການຮ່ວມມືດ້ານສັນຕິພາບແລະຄວາມໝັ້ນຄົງລະຫວ່າງສອງຝ່າຍໃຫ້ໄດ້ຮັບຜົນສຳເລັດອັນໃໝ່ຢ່າງບໍ່ຢຸດຢັ້ງ,ເພື່ອປະກອບສ່ວນເຂົ້າໃນການຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງຝ່າຍ ແລະ ສ້າງປະຊາຄົມຮ່ວມຊາຕາກຳຈີນ-ອາຟຣິກາໃຫ້ມີຄວາມໜັກແໜ້ນກວ່າເກົ່າ.
ຜູ້ຕາງໜ້າຝ່າຍອາຟຣິກາກ່າວວ່າ:ອາຟຣິກາຍິນດີຮ່ວມກັບຈີນພະຍາຍາມລົງເລິກການຮ່ວມມືໃນຂົງເຂດຕ່າງໆຕື່ມອີກເຊັ່ນ:ການປ້ອງກັນການເດີນທະເລ,ການຕ້ານການກໍ່ການຮ້າຍ,ອົບຮົມບຸກຄະລາກອນ,ການຝຶກຊ້ອມແລະຝຶກແອບຮ່ວມແລະຂົງເຂດອື່ນໆ,ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງອາຟຣິກາກໍຄືຂອງໂລກ.
ຄຳເຫັນ
0