ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຈີນຈະອຳນວຍຄວາມສະດວກດ້ານການຮ້ອງຂໍໃບອະນຸຍາດອາໄສຢູ່ຈີນຖາວອນໃຫ້ແກ່ບຸກຄະລາກອນຕ່າງປະເທດລະດັບສູງ, ຄົນຕ່າງປະເທດທີ່ມີເຊື້ອສາຍຈີນທີ່ຈົບການສຶກສາລະດັບປະລິຍາເອກຫຼືເຮັດວຽກຢູ່ເຂດພັດທະນາສຳຄັນຂອງຕ່າງປະເທດເປັນໄລຍະຍາວ, ບຸກຄະລາກອນຕ່າງປະເທດທີ່ມີການປະກອບສ່ວນສຳຄັນຫຼືມີຄວາມຕ້ອງການທີ່ສຸດ, ຄົນຕ່າງປະເທດທີ່ເຮັດວຽກຢູ່ຈີນເປັນເວລາຍາວນານແລະຖືກກັບມາດຕະຖານລາຍຮັບແລະມາດຕະຖານເສຍອາກອນ. ຜົວເມຍແລະລູກທີ່ບໍ່ເຕັມອາຍຸກະສຽນຂອງຄົນເຫຼົ່ານີ້ສາມາດຮ້ອງຂໍຮ່ວມກັນໄດ້.
ກະຊວງປ້ອງກັນຄວາມສະຫງົບຈີນໄດ້ເປີດເຜີຍຂ່າວດັ່ງກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 17 ກໍລະກົດນີ້. ຂ່າວແຈ້ງຕື່ມວ່າ, ເລີ່ມແຕ່ວັນທີ 1 ສິງຫາໜ້ານີ້ເປັນຕົ້ນໄປ, ທົ່ວປະເທດຈີນຈະປະຕິບັດນະໂຍບາຍ 12 ຂໍ້ກ່ຽວກັບການຍົກຍ້າຍພົນລະເມືອງແລະເຂົ້າອອກເມືອງ, ເນື້ອໃນຈະກ່ຽວພັນເຖິງສີ່ດ້ານຄື: ເປີດກວ້າງຂອບບຸກຄະລາກອນຕ່າງປະເທດທີ່ຮ້ອງຂໍໃບອະນຸຍາດອາໄສຢູ່ຈີນຖາວອນ, ເປີດກວ້າງຂອບການຂໍວີຊາໄລຍະຍາວແລະໃບອະນຸຍາດອາໄສຢູ່ຈີນ, ເປີດກວ້າງຂອບການດຶງດູດບຸກຄະລາກອນຕ່າງປະເທດ, ຍົກສູງລະດັບການບໍລິການແລະບໍລິຫານຄົນຕ່າງປະເທດ.
ຄຳເຫັນ
0