ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານຈີນລາຍງານວ່າ: ບົດລາຍງານເສດຖະກິດຈີນ 6 ເດືອນຕົ້ນປີ 2019 ໄດ້ເປີດເຜີຍໃນວັນທີ 15 ກໍລະກົດນີ້. ເຖິງແມ່ນວ່າ ໃນໄຕມາດທີ 2 ,ຈັງຫວະການເຕີບໂຕ GDPຂອງ ຈີນຕ່ຳກວ່າໄຕມາດທີ 1 ໜ້ອຍໜຶ່ງກໍຕາມ, ແຕ່ສື່ມວນຊົນຕ່າງປະເທດຫຼາຍສຳນັກເຫັນວ່າ: ເສດຖະກິດຈີນໄດ້ຂະຫຍາຍຕົວຢ່າງແຂງແຮງກວ່າເກົ່າ ແລະຄາດວ່າຈະມີຄວາມໝັ້ນທ່ຽງໃນ 6 ເດືອນທ້າຍປີນີ້.
ໜັງສືພິມ Financial Times ອັງກິດລາຍງານວ່າ: ຈີນຍັງເປັນແຫຼ່ງກຳລັງໃຫຍ່ທີ່ສຸດທີ່ຈະຂັບເຄື່ອນໃຫ້ເສດຖະກິດໂລກຂະຫຍາຍຕົວ. ເສດຖະກິດຈີນໃນປັດຈຸບັນມີຂະໜາດໃຫຍ່ແລະຄວາມເຂັ້ມແຂງຫຼາຍຖ້າທຽບໃສ່ຕົ້ນຊຸມປີ 1990. ປີ 2018, ການຂະຫຍາຍຕົວດ້ານGDPຂອງຈີນ ເທົ່າກັບຂະໜາດເສດຖະກິດຂອງອົສຕຣາລີ. ປີນີ້, ຕາມທ່ວງທ່າຂະຫຍາຍຕົວໃນປັດຈຸບັນ, ຄາດວ່າປະລິມານການເຕີບໂຕ GDPຂອງຈີນອາດຈະຫຼາຍກວ່າ ອົສຕຣາລີອີກຄັ້ງໃໝ່.
ການລາຍງານຂ່າວຂອງໜັງສືພິມ Financial Times ອັງກິດລະບຸວ່າ: ປີນີ້, ລັດຖະບານຈີນຕົ້ນຕໍແມ່ນອາໄສການກະຕຸ້ນດ້ານການເງິນເພື່ອຄ້ຳຊູການເຕີບໂຕດ້ານເສດຖະກິດ, ໂດຍໄດ້ປະກາດໃຊ້ມາດຕະການຫຼຸດພາສີອາກອນເກືອບ 2000 ຕື້ຢວນ. ເດືອນມິຖຸນາຜ່ານມາ, ຂໍ້ມູນສ່ວນໜຶ່ງຂອງຈີນໄດ້ສູງກວ່າການຄາດຄະເນ ເຊິ່ງສະແດງໃຫ້ເຫັນວ່າ ເສດຖະກິດຈີນຈະຂະຫຍາຍຕົວຢ່າງໝັ້ນທ່ຽງ.
ສຳນັກຂ່າວສານ Sputnik ຣັດເຊຍລາຍງານວ່າ: ໃນ 6 ເດືອນຕົ້ນປີນີ້, ສະພາບການພັດທະນາ ເສດຖະກິດຂອງຈີນມີຄວາມໝັ້ນທ່ຽງໂດຍລວມ ເຊິ່ງສອດຄ່ອງກັບການຄາດຄະເນ, ແລະໃນປີ 2019 ນີ້ , ເສດຖະກິດຈີນອາດຈະຂະຫຍາຍຕົວໃນລະຫວ່າງ 6,2% ຫາ 6,3%.
ບໍລິສັດ CNN ອາເມຣິກາຄາດຄະເນວ່າ: ລັດຖະບານຈີນຈະວາງມາດຕະການກະຕຸ້ນຫຼາຍກວ່າເກົ່າເພື່ອເຮັດໃຫ້ເສດຖະກິດເຕີບໂຕຢ່າງໝັ້ນທ່ຽງ ເຊິ່ງລວມທັງການເພີ່ມການລົງທຶນດ້ານພື້ນຖານໂຄງລ່າງເປັນຕົ້ນ.
ຄຳເຫັນ
0