ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານກຽວໂຕຂອງຍີ່ປຸ່ນລາຍງານວ່າ, ເນື່ອງຈາກວ່າລັດຖະບານຍີ່ປຸ່ນເພີ່ມທະວີການເຂັ້ມງວດຕໍ່ການສົ່ງອອກສິນຄ້າໄປສ.ເກົາຫລີ, ສະນັ້ນ ຈຶ່ງເກີດການປະທ້ວງຢູ່ນະຄອນເຊອຸ່ນຂອງສ.ເກົາຫລີຂະຫຍາຍວົງກວ້າງອອກ. ໃນການສຳຫຼວດຫາງສຽງປະຊາຊົນທົ່ວໄປຂອງທົ່ວປະເທດສ.ເກົາຫລີນັ້ນ, ມີຜູ້ໃຫ້ສຳພາດ 60% ຂຶ້ນໄປສະແດງໃຫ້ເຫັນວ່າ ກຳລັງເຂົ້າຮ່ວມການເຄື່ອນໄຫວທີ່ຂວ້ຳບາດສິນຄ້າຍີ່ປຸ່ນ.
ວັນທີ 8 ສິງຫານີ້, ບໍລິສັດສຳຫຼວດຫາງສຽງຂອງສ.ເກົາຫລີ ຫຼື “Real Meter” ໄດ້ເປີດເຜີຍຜົນການສຳຫຼວດ ເຊິ່ງສະແດງໃຫ້ເຫັນວ່າ, ຜູ້ທີ່ກຳລັງເຂົ້າຮ່ວມການຂວ້ຳບາດສິນຄ້າຍີ່ປຸ່ນນັ້ນມີເຖິງ 61,2%, ໄດ້ຍົກເລີກການໄປທ່ຽວຍີ່ປຸ່ນຢ່າງເປັນເຈົ້າການແລະພວມຂະຫຍາຍວົງກວ້າງອອກ, ສາຍການບິນລະຫວ່າງຍີ່ປຸ່ນ-ສ.ເກົາຫລີຫຼຸດຈຳນວນຖ້ຽວບິນແລະຢຸດຕິການບິນ.
ຄຳເຫັນ
0