ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ສິງຫານີ້, ທ່ານນາງລີເຊ ແກຣນເດີ ເຈົ້າໜ້າທີ່ປະສານງານວຽກງານມະນຸດສະທຳຂອງອົງການສະຫະປະຊາຊາດປະຈຳເຢແມນໄດ້ອອກຖະແຫຼງການວ່າ: ນັບແຕ່ວັນທີ 8 ສິງຫານີ້ໄດ້ເກີດມີການປະທະກັນຢູ່ນະຄອນຫຼວງຊົ່ວຄາວເອເດນໃນປະເທດເຢແມນຮ້າຍແຮງເພີ່ມຂຶ້ນເປັນຕົ້ນມາ, ໄດ້ມີຜູ້ເສຍຊີວິດ 40 ຄົນ ແລະຜູ້ບາດເຈັບ 260 ຄົນ.
ທ່ານນາງແກຣນເດີຮຽກຮ້ອງໃຫ້ບັນດາຝ່າຍທີ່ປະທະກັນຈົ່ງປະຕິບັດຕາມກົດໝາຍສາກົນ, ຮັກສາຄວາມປອດໄພໃຫ້ປະຊາຊົນເຢແມນ. ອົງການມະນຸດສະທຳຈະສືບຕໍ່ສະໜອງການຊ່ວຍເຫຼືອໃຫ້ປະຊາຊົນ ແລະຈະຈັດສົ່ງໜ່ວຍແພດໄປປິ່ນປົວກູ້ຜູ້ບາດເຈັບ.
ໃນມື້ດຽວກັນ, ຄະນະກຳມະການເພື່ອການປ່ຽນຜ່ານທາງພາກໃຕ້ເຢແມນໄດ້ອອກຖະແຫຼງການວ່າ: ໄດ້ຍຶດຄອງນະຄອນຫຼວງຊົ່ວຄາວເອເດນ ເຊິ່ງກວມເອົາທຳນຽບປະທານາທິບໍດີ, ສະໜາມບິນສາກົນ, ທະນາຄານ ກໍຄືອົງການລັດຖະບານ ແລະພື້ນຖານໂຄ່ງລ່າງຮັບໃຊ້ພົນລະເຮືອນທີ່ສຳຄັນ, ແລະຈະຕັ້ງໜັ້ນຢູ່ແຫ່ງດັ່ງກ່າວຢ່າງເດັດດ່ຽວໜຽວແໜ້ນ.
ຄຳເຫັນ
0