ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ສິງຫານີ້, ສະຖານທູດຈີນປະຈຳກຳປູເຈຍ ໄດ້ຈັດພິທີມອບທຶນການສຶກສາຈາກລັດຖະບານຈີນປີ 2019 ໃຫ້ແກ່ກຳປູເຈຍ. ທ່ານ ວາງເວີນທ່ຽນ ເອກອັກຄະລັດຖະທູດຈີນປະຈຳກຳປູເຈຍ, ທ່ານ ຢົກງອຍ ເລຂາລັດຖະກິດຂອງກະຊວງສຶກສາ, ຊາວໜຸ່ມແລະກິລາກຳປູເຈຍ ໄດ້ເຂົ້າຮ່ວມພິທີດັ່ງກ່າວ ແລະມອບເອກະສານຢັ້ງຢືນໃຫ້ແກ່ຜູ້ຕາງໜ້ານັກສຶກສາໃໝ່.
ໃນພິທີ, ທ່ານ ວາງເວີນທ່ຽນ ໄດ້ສະແດງຄວາມຊົມເຊີຍຕໍ່ນັກສຶກສາກຳປູເຈຍທີ່ໄດ້ຮັບທຶນການສຶກສາຈາກລັດຖະບານຈີນຈຳນວນ 185 ຄົນ ໂດຍກ່າວວ່າ: ຫວັງວ່າບັນດາຜູ້ໄດ້ຮັບທຶນຈະພະຍາຍາມສຶກສາຮຽນຮູ້ຄວາມສາມາດດ້ານຕ່າງໆ ເພື່ອແບກຫາບໜ້າທີ່ອັນສຳຄັນແຫ່ງການສ້າງສາພັດທະນາປະເທດຊາດໃນອະນາຄົດ ແລະກາຍເປັນຂົວຕໍ່ລະຫວ່າງຈີນແລະກຳປູເຈຍໃນການເພີ່ມທະວີການຕິດຕໍ່ພົວພັນແລະສ້າງມິດຕະພາບ.
ທ່ານ ຢົກງອຍ ໄດ້ຕາງໜ້າລັດຖະບານກຳປູເຈຍ ສະແດງຄວາມຂອບໃຈຕໍ່ຈີນທີ່ໄດ້ຈັດສັນທຶນການສຶກສາໃຫ້ແກ່ນັກສຶກສາກຳປູເຈຍຫຼາຍປີລຽນຕິດ ແລະໄດ້ຮຽກຮ້ອງໃຫ້ນັກສຶກສາທີ່ຈະໄປຮຽນຢູ່ຈີນນັ້ນ ຕ້ອງມີຄວາມດຸໝັ່ນຂະຫຍັນພຽນ, ສ້າງໂອກາດໃນໄລຍະໄວໜຸ່ມ ແລະປະກອບສ່ວນເຂົ້າໃນພາລະກິດສ້າງສາພັດທະນາປະເທດຊາດກໍຄືສ້າງມິດຕະພາບກຳປູເຈຍ-ຈີນພາຍຫຼັງກັບຄືນປະເທດ.
ຄຳເຫັນ
0