ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການພາສີຫວຽດນາມໄດ້ເປີດເຜີຍຕົວເລກຂໍ້ມູນໂດຍສະແດງໃຫ້ເຫັນວ່າ: ໃນ 6 ເດືອນຕົ້ນປີນີ້, ຫວຽດນາມໄດ້ສົ່ງອອກຊີມັງແລະຊີມັງເຄິ່ງສຳເລັດຮູບ 15,6 ລ້ານໂຕນ ເຊິ່ງໄດ້ສ້າງລາຍຮັບ 667 ລ້ານໂດລາສະຫະລັດ, ເມື່ອທຽບໃສ່ໄລຍະດຽວກັນຂອງປີ 2018 ແລ້ວ,ປະລິມານການສົ່ງອອກໄດ້ເພີ່ມຂຶ້ນ 1,3% ແລະມູນຄ່າການສົ່ງອອກໄດ້ເພີ່ມຂຶ້ນ 18%.
ສະມາຄົມຊີມັງຫວຽດນາມໄດ້ໃຫ້ຮູ້ວ່າ: ການທີ່ໄດ້ຮັບຜົນງານດັ່ງກ່າວແມ່ນຍ້ອນຄວາມຕ້ອງການຂອງຕະຫຼາດສາກົນແລະລາຄາຊີມັງທີ່ສົ່ງອອກໄດ້ເພີ່ມຂຶ້ນ 15-17% ເມື່ອທຽບໃສ່ໄລຍະດຽວກັນຂອງປີກາຍ. ການປິດໂຮງງານຊີມັງທີ່ສ້າງມົນລະພິດໜັກໜ່ວງທີ່ສຸດໃນຈີນກໍຄືນະໂຍບາຍໂຮງງານຊີມັງຫຼາຍແຫ່ງໄດ້ສ້າງໂອກາດທີ່ສຳຄັນແລະໃຫຍ່ຫຼວງໃຫ້ແກ່ວິສາຫະກິດຫວຽດນາມໃນການເພີ່ມການສົ່ງອອກ.
ຕາມການຄາດຄະເນ,ຮອດທ້າຍປີ 2019,ຄວາມຕ້ອງການຊີມັງຂອງຫວຽດນາມອາດຈະເພີ່ມຂຶ້ນຮອດ 98-99 ລ້ານໂຕນເປັນຈັງຫວະເພີ່ມຂຶ້ນເລັກໜ້ອຍ,ໃນນັ້ນລວມທັງປະລິມານການຈຳໜ່າຍພາຍໃນຫວຽດນາມໃນປະລິມານ 70 ລ້ານໂຕນແລະການສົ່ງອອກໃນປະລິມານ 28-29 ລ້ານໂຕນ.
ຄຳເຫັນ
0