ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ສິງຫານີ້, ລັດຖະບານອາເມຣິກາໄດ້ອອກກົດລະບຽບໃໝ່ເພື່ອຈຳກັດຊາວຍ້າຍຖິ່ນຖານທີ່ຖືກຕ້ອງຕາມກົດໝາຍ ເຊິ່ງໄດ້ຍົກສູງເງື່ນໄຂທາງດ້ານເສດຖະກິດທີ່ຢູ່ອາເມຣິກາໃນໄລຍະຍາວ. ກົດລະບຽບດັ່ງກ່າວໄດ້ລະບຸໄວ້ວ່າ: ຖ້າລາຍຮັບຂອງຊາວຕ່າງປະເທດທີ່ຮ້ອງຂໍມາຕັ້ງຖິ່ນຖານຢູ່ອາເມຣິກາບໍ່ໄດ້ຕາມມາດຕະຖານທີ່ກຳນົດ ຫຼື ຮັບສະຫວັດດີການສາທາລະນະຢູ່ອາເມຣິກາຫຼາຍກວ່າ 1 ປີໃນຂອບເຂດເວລາ 3 ປີໃດໜຶ່ງຈະຖືວ່າເປັນ “ພາລະແບກຫາບດ້ານສາທາລະນະ”. ຊາວຕ່າງປະເທດທີ່ອາດເປັນ “ພາລະແບກຫາບດ້ານສາທາລະນະ” ຈະຖືກຫ້າມເຂົ້າອາເມຣິກາ ຫຼື ຖືກປັບປຸງຖານະຊາວຍ້າຍຖິ່ນຖານ.
ກົດລະບຽບດັ່ງກ່າວພາໃຫ້ເກີດຫາງສຽງວິພາກວິຈານໃນສັງຄົມ. ນັກວິເຄາະບາງຄົນເຫັນວ່າ: ກົດລະບຽບໃໝ່ຕົ້ນຕໍແມ່ນແນໃສ່ຊາວຍ້າຍຖິ່ນຖານທີ່ມີລາຍໄດ້ຕ່ຳ, ຖ້າໄດ້ຮັບການຈັດຕັ້ງປະຕິບັດຈະເຮັດໃຫ້ຈຳນວນຊາວຍ້າຍຖິ່ນຖານທີ່ຖືກຕ້ອງຕາມກົດໝາຍຢູ່ອາເມຣິກາຫຼຸດລົງຢ່າງຫຼວງຫຼາຍ, ເຮັດໃຫ້ຊາວຍ້າຍຖິ່ນຖານຢູ່ອາເມຣິກາທີ່ມີລາຍໄດ້ຕ່ຳເຖິງຈະມີຄວາມຮຽກຮ້ອງຕ້ອງການແຕ່ກໍບໍ່ກ້າຮ້ອງຂໍສະຫວັດດີການ ເຊິ່ງຈະເພີ່ມຄວາມສ່ຽງດ້ານສຸຂະພາບ, ການສຶກສາ ແລະອື່ນໆແກ່ເຂົາເຈົ້າ.
ຄຳເຫັນ
0