ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ສິງຫານີ້, ສະຖານີໂທລະພາບຂ່າວສານອີຣານໄດ້ລາຍງານວ່າ: ທ່ານອາລິເຣຊາ ຕັງຊີຣີ ຜູ້ບັນຊາການກອງທັບເຮືອຂອງກອງກຳລັງປ້ອງກັນການປະຕິວັດອິສະລາມອີຣານໄດ້ກ່າວເຕືອນໃນວັນທີ 11 ສິງຫານີ້ວ່າ: ຖ້າອິດສະຣາແອ໋ນເຂົ້າຮ່ວມກັບ “ພັນທະມິດຄຸ້ມກັນການເດີນເຮືອ” ແລະເຂົ້າມາເຂດອ່າວເປີເຊຍອາດຈະພາໃຫ້ເກີດສົງຄາມ.
ທ່ານຕັງຊີຣີໄດ້ໃຫ້ສຳພາດຕໍ່ສະຖານີໂທລະພາບ AI Mayadee ລີບັງວ່າ: ການມີໜ້າຂອງອິດສະຣາແອນຢູ່ອ່າວເປີເຊຍໃນຮູບການໃດໆກໍຕາມລ້ວນແຕ່ຜິດກົດໝາຍ, ອາດຈະພາໃຫ້ເກີດການປະທະກັນ ແລະສົງຄາມໃນພາກພື້ນນີ້, ອາເມຣິກາ ແລະອັງກິດຕ້ອງຮັບຜິດຊອບຕໍ່ຜົນຮ້າຍທີ່ອາດຈະເກີດຂຶ້ນທັງໝົດ.
ເມື່ອບໍ່ດົນມານີ້, ອາເມຣິກາໄດ້ເກ້ຍກ່ອມປະເທດພັນທະມິດໃຫ້ເຂົ້າຮ່ວມ “ພັນທະມິດຄຸ້ມກັນການເດີນເຮືອ” ເພື່ອຮັກສາຄວາມປອດໄພໃນການເດີນເຮືອຢູ່ເຂດອ່າວເປີເຊຍ. ທ່ານຢີສະຣາເອວ ກັດສ ລັດຖະມົນຕີກະຊວງການຕ່າງະເທດອິດສະຣາແອນກ່າວໃນເມື່ອບໍ່ດົນມານີ້ວ່າ: ອິດສະຣາແອ໋ນຈະເຂົ້າຮ່ວມ “ພັນທະມິດຄຸ້ມກັນການເດີນເຮືອ” ທີ່ອາເມຣິກາລິເລີ່ມສ້າງຂຶ້ນຢູ່ອ່າວເປີເຊຍ.
ຄຳເຫັນ
0