ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານສູນກາງເກົາຫຼີລາຍງານໃນວັນທີ 11 ສິງຫານີ້ວ່າ, ມື້ດຽວກັນ, ໂຄສົກກະຊວງການຕ່າງປະເທດ ສປປ ເກົາຫຼີໄດ້ໃຫ້ສຳພາດຕໍ່ນັກຂ່າວຂ່າວສານສູນກາງເກົາຫຼີ ໂດຍກ່າວວ່າ, ສປປ ເກົາຫຼີສະໜັບສະໜູນຢ່າງສຸດຂີດຕໍ່ຫຼັກໝັ້ນແລະມາດຕະການຂອງຈີນໃນບັນຫາຮົງກົງ.
ໂຄສົກທີ່ບໍ່ເປີດເຜີຍຊື່ທ່ານນີ້ກ່າວວ່າ, ໃນໄລຍະມໍ່ໆມານີ້, ອິດທິກຳລັງພາຍນອກມີເຈດຕະນາແຊກແຊງວຽກງານຮົງກົງ ເຊິ່ງເປັນວຽກງານພາຍໃນຂອງຈີນ, ທຳລາຍຄວາມໝັ້ນຄົງແລະຄວາມເປັນລະບຽບຮຽບຮ້ອຍຂອງສັງຄົມຮົງກົງ, ທຳລາຍຜົນປະໂຫຍດດ້ານຊີວິດແລະຊັບສິນຂອງປະຊາຊົນຮົງກົງ, ສປປ ເກົາຫຼີໄດ້ເອົາໃຈໃສ່ ແລະ ຄັດຄ້ານຕໍ່ເລື່ອງນີ້.
ໂຄສົກທ່ານນີ້ກ່າວຕື່ມວ່າ, ຫຼັກການແລະຫຼັກໝັ້ນຂອງ ສປປ ເກົາຫຼີຄື, ຮົງກົງແມ່ນດິນແດນຂອງຈີນ, ບໍ່ອະນຸຍາດໃຫ້ປະເທດໃດໆ, ອົງການຈັດຕັ້ງໃດໆ ຫຼື ບຸກຄົນໃດໆມີເຈດຕະນາທຳລາຍອະທິປະໄຕ, ຄວາມໝັ້ນຄົງ ແລະ ນະໂຍບາຍ “ປະເທດດຽວສອງລະບອບ” ຂອງຈີນ. ສປປ ເກົາຫຼີສະໜັບສະໜູນຫຼັກໝັ້ນແລະມາດຕະການຂອງພັກແລະລັດຖະບານຈີນໃນການປົກປ້ອງອະທິປະໄຕ, ຄວາມໝັ້ນຄົງ, ຜືນແຜ່ນດິນອັນຄົບຖ້ວນຂອງຊາດ ແລະ ຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງ.
ຄຳເຫັນ
0