ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 12 ສິງຫານີ້ຕາມເວລາທ້ອງຖິ່ນ, ງານວາງສະແດງຮູບເງົາແລະລະຄອນໂທລະພາບຈີນ-ບຣາຊິນຄັ້ງທຳອິດທີ່ຈັດຮ່ວມກັນໂດຍກົງສຸນໃຫຍ່ຂອງຈີນປະຈຳລີໂອເດີຈານີໂລ ແລະອົງການປົກຄອງລັດລີໂອເດີຈານີໂລນັ້ນ ໄດ້ຈັດຂຶ້ນຢູ່ລີໂອ, ງານວາງສະແດງຮູບເງົາແລະລະຄອນໂທລະພາບຄັ້ງນີ້ຈະສາຍຮູບເງົາແລະລະຄອນໂທລະພາບທີ່ດີເດັ່ນໃນຫຼາຍປີມໍ່ໆມານີ້ຂອງຈີນ-ບຣາຊິນຈຳນວນໜຶ່ງໃຫ້ຜູ້ຊົມໄດ້ຮັບຊົມ.
ທ່ານລີຢາງ, ກົງສຸນໃຫຍ່ຂອງຈີນປະຈຳລີໂອເດີຈານີໂລກ່າວຄຳປາໃສວ່າ, ປີນີ້ແມ່ນປີທີ່ຈີນ-ບຣາຊິນສ້າງຕັ້ງສາຍພົວພັນທາງການທູດຄົບຮອບ 45 ປີ, ເຊື່ອວ່າຮູບເງົາແລະລະຄອນໂທລະພາບຈີນ-ບຣາຊິນທີ່ເລືອກເຟັ້ນມາສາຍໃນງານຄັ້ງນີ້ຈະມີຄວາມໝາຍສຳຄັນຕໍ່ການເພີ່ມຄວາມເຂົ້າໃຈກັນລະຫວ່າງປະຊາຊົນສອງປະເທດ, ແລະສ້າງພື້ນຖານໃຫ້ປະຊາຊົນໄດ້ດີໃນການເສີມຂະຫຍາຍການຮ່ວມມືບົນຈິດໃຈມິດຕະພາບລະຫວ່າງສອງປະເທດ.
ງານວາງສະແດງຮູບເງົາແລະລະຄອນໂທລະພາບຈີນ-ບຣາຊິນຄັ້ງນີ້ຈະສາຍຮູບເງົາແລະລະຄອນໂທລະພາບໃນລັດລີໂອເດີຈານີໂລແລະລັດມິນັສກີລັສ, ແລະຈະດຳເນີນໄປຈົນຮອດວັນທີ 11 ກັນຍາໜ້ານີ້.
ຄຳເຫັນ
0