ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 13 ສິງຫານີ້, ທ່ານ ລີວເຮີ້ ກຳມະການກົມການເມືອງສູນກາງພັກກອມມູນິດຈີນ,ຮອງນາຍົກລັດຖະມົນຕີຈີນທັງເປັນຫົວໜ້າຝ່າຍຈີນກ່ຽວກັບການເຈລະຈາດ້ານເສດຖະກິດການຄ້າຮອບດ້ານຈີນ-ອາເມຣິກາໄດ້ສົນທະນາຜ່ານທາງໂທລະສັບກັບທ່ານ ໂຣເບີດ ລາຍດໄທເຊີ ຜູ້ຕາງໜ້າການຄ້າອາເມຣິກາ ແລະ ທ່ານ ສະຕີເວນ ມະນູຊິນ ລັດຖະມົນຕີກະຊວງການເງິນອາເມຣິກາຕາມຄຳເຊີນ. ຈີນໄດ້ຕໍ່ວ່າທັກທ້ວງຢ່າງເຄັ່ງຂຶມກ່ຽວກັບບັນຫາທີ່ອາເມຣິກາມີແຜນຈະຂຶ້ນພາສີຕໍ່ສິນຄ້າຈີນທີ່ສົ່ງອອກສູ່ອາເມຣິກາໃນວັນທີ 1 ກັນຍາໜ້ານີ້. ສອງຝ່າຍໄດ້ຕົກລົງຈະສົນທະນາກັນຜ່ານທາງໂທລະສັບອີກຄັ້ງໜຶ່ງໃນສອງອາທິດຕໍ່ໜ້າ. ເຂົ້າຮ່ວມຟັງການສົນທະນາຄັ້ງນີ້ຍັງມີທ່ານ ຈົ່ງຊ່ານ ລັດຖະມົນຕີກະຊວງການຄ້າຈີນ,ທ່ານ ຢີ້ກ່າງ ຜູ້ວ່າການທະນາຄານປະຊາຊົນຈີນ ແລະ ທ່ານ ນິ້ງຈີເຈີ ຮອງຫົວໜ້າຄະນະກຳມະການການພັດທະນາແລະປະຕິຮູບແຫ່ງຊາດຈີນແລະທ່ານອື່ນໆເຂົ້າຮ່ວມ.
ຄຳເຫັນ
0