ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ອນໜ້ານີ້ບໍ່ດົນ, ທ່ານ ຄຣິສໂຕເຟີ ທອມສັນ ຜູ້ອຳນວຍການໃຫຍ່ ທັງເປັນ CEO ຂອງອົງການທ່ອງທ່ຽວແຫ່ງຊາດອາເມຣິກາກ່າວວ່າ: ຍາມໃດ, ຈີນກໍເປັນປະເທດແຫຼ່ງນັກທ່ອງທ່ຽວທີ່ສຳຄັນທີ່ສຸດຕໍ່ຂະແໜງການທ່ອງທ່ຽວອາເມຣິກາ. ປີ 2018 ຈຳນວນການບໍລິໂພກຂອງນັກທ່ອງທ່ຽວຈີນຢູ່ອາເມຣິກາ ຍັງເປັນອັບດັບໜຶ່ງຄືເກົ່າ, ແຕ່ຈຳນວນນັກທ່ອງທ່ຽວຈີນ ໄດ້ຫຼຸດໜ້ອຍລົງ ແລະສືບຕໍ່ຫຼຸດລົງໃນປີນີ້.
ຕາມສະຖິຕິຂອງທາງການອາເມຣິກາ, ຈຳນວນນັກທ່ອງທ່ຽວຈີນທີ່ໄປທ່ຽວອາເມຣິກາໃນປີ 2018 ໄດ້ຫຼຸດລົງ 6% ເມື່ອທຽບໃສ່ປີ 2017 ເຊິ່ງເປັນຄັ້ງທຳອິດໃນຮອບ 15 ປີຜ່ານມາ.
ທ່ານນາງ ເບັສ ເຮີເລີ ຜູ້ອຳນວຍການໂຄສະນາການທ່ອງທ່ຽວລັດມິນເນໂຊຕາ ໃຫ້ສຳພາດຕໍ່ນັກຂ່າວວ່າ: ຄວາມຂັດແຍ້ງກັນດ້ານເສດຖະກິດການຄ້າລະຫວ່າງຈີນກັບອາເມຣິກາ ບໍ່ພຽງແຕ່ສົ່ງຜົນສະທ້ອນຕໍ່ຂະແໜງການທ່ອງທ່ຽວເທົ່ານັ້ນ, ຫາກຍັງກະທົບເຖິງຊີວິດປະຈຳວັນແລະການບໍລິໂພກຂອງຊາວອາເມຣິກາຢ່າງຫຼວງຫຼາຍ.
ຄຳເຫັນ
0